‘माझी तुझी रेशीमगाठ’ मालिकेत नेहाच्या पहिल्या नवऱ्याची भूमिका साकारणार ‘हा’ अभिनेता, जाणून घ्या त्याच्याबद्दल सर्वकाही

झी मराठी वाहिनीवर ‘माझी तुझी रेशीमगाठ’ ही मालिका प्रेक्षकांच्या चांगलीच पसंतीस उतरताना पाहायला मिळत आहे. या मालिकेत अभिनेता श्रेयस तळपदे, प्रार्थना बेहरे, संकर्षण कऱ्हाडे, प्रदीप वेलणकर या कलाकारांमुळे तिला विशेष पसंती मिळत आहे. या कलाकारांमुळे मालिकेला चार चांद लागले आहेत. या मालिकेत अभिनेत्री प्रार्थना बेहरे ही नेहा कामत ही भूमिका साकारत आहे. नुकतंच या मालिकेत नेहा आणि यशचे लग्न पार पडले आहे. त्यामुळे मालिकेत आनंदाचे वातावरण पाहायला मिळत आहे. मात्र आता लवकरच त्यांच्या आनंदात विरजण पडणार आहे. नेहा आणि यशचा संसार खुलत असतानाचा आता मालिकेत तिच्या पहिल्या नवऱ्याची एंट्री होणार आहे. या मालिकेत नेहाच्या पहिल्या नवऱ्याची भूमिका कोण साकारणार याची माहिती उघड झाली आहे. या मालिकेत नेहाच्या पहिल्या नवऱ्याची भूमिका अभिनेता निखिल राजेशिर्के साकारणार आहे. निखिल राजेशिर्केने आतापर्यंत अनेक मालिका आणि नाटकात काम केले आहे. अनेक चित्रपटातही तो झळकला आहे. 'माझी तुझी रेशीमगाठ' या मालिकेत तो खलनायकाच्या भूमिकेत दिसणार आहे. अभिनेता डॉ. निखिल राजेशिर्के हा या मालिकेत नेहाचा पहिला नवरा म्हणजे अविनाशच्या भूमिकेत दिसणार आहे. निखिल हा झी मराठीवरील प्रेक्षकांसाठी ओळखीचा चेहरा आहे. निखिलने या आधी झी मराठीवर, 'आभाळमाया', 'अरुंधती' सारख्या मालिकांमध्ये काम केलं आहे. त्यासोबतच तो 'अजूनही बरसात आहे', 'एक मोहोर अबोल', 'दिल्या घरी तू सुखी रहा', 'लगोरी', 'प्रीती परी तुजवरी', 'लक्ष' सारख्या मालिकेतही काम केले आहे. तसेच निखिलनं 'बायकर्स अड्डा', 'असेही एकदा व्हावे', '7 दोन 75', 'फक्त इच्छाशक्ती हवी' या चित्रपटातही काम केलं आहे. निखिलच्या एंट्रीनंतर आता या मालिकेत कोणते नवीन वळण येणार? हे पाहणे औत्सुक्याचे ठरणार आहे.

‘माझी तुझी रेशीमगाठ’ या मालिकेत तो खलनायकाच्या भूमिकेत दिसणार आहे.