‘हार्ट ऑफ स्टोन’ सिनेमाच्या सेटवरील फोटो व्हायरल, नेटकऱ्यांमध्ये आलिया भट्टच्या बेबी बंपची चर्चा

अभिनेत्री आलिया भट्टने वंडर वुमन गल गडोतसोबत एक फोटो शेअर करत नुकतीच एक बातमी तिच्या चाहत्यांना दिलीय. आलियाने तिच्या पहिल्या हॉलिवूड सिनेमाचं शूटिंग पूर्ण केलंय. या हॉलिवूड सिनेमाचं नाव 'हार्ट ऑफ स्टोन' असं आहे. या सिनेमात ती वंडर वुमन गल गडोतसोबत झळकणार आहे. त्यानंतर आता सोशल मीडियावर 'हार्ट ऑफ स्टोन' या सिनेमातील सेटवरचे शूटिंग दरम्यानचे काही फोटो व्हायरल झाले आहेत. या फोटोंमध्ये आलियाचा दमदार अंदाज पाहायला मिळतोय. दरम्यान हे फोटो सोशल मीडियावर व्हायरल होताच नेटकऱ्यांमध्ये चर्चा होतेय ती म्हणजे आलियाच्या बेबी बंपची. सोशल मीडियावर व्हायरल होणाऱ्या काही फोटोंमध्ये आलियाचं बेबी बंप दिसून येत आहे. या फोटोंवरून या सिनेमात आलियाचा अॅक्शन अंदाज पाहायला मिळेल याची कल्पना येतेय. काही नेटकऱ्यांनी आलिया गरोदर असतानाही अॅक्शन सिनेमा शूट करत असल्याचं म्हणत आश्चर्य व्यक्त केलंय. आलियाचे हे फोटो सोशल मीडियावर वेगाने व्हायरल होऊ लागले आहेत. आठवडाभरापूर्वीच आलियाने एक फोटो शेअर करत ती गरोदर असल्याची बातमी चाहत्यांना दिली होती. ही बातमी ऐकून आलिया आणि रणबीरचे चाहते आनंदी झाले होते. सध्या आलिया लंडनमध्ये असून लवकरच ती भारतात परतत असल्याचं तिने सोशल मीडियावरून दिली.