Photos: अभिनेत्री श्वेता शिंदेने पुन्हा बांधली लग्नगाठ? फोटो सोशल मीडियावर व्हायरल

छोट्या पडद्यावरील लोकप्रिय अभिनेत्री श्वेता शिंदे आणि तिचा पती संदीप भन्साळी सध्या सोशल मीडियावर चर्चेत आहे. झी मराठी वाहिनी नेहमीच वेगवेगळ्या धाटणीचे कार्यक्रम प्रेक्षकांसाठी सादर करून त्यांचे भरगोस मनोरंजन करते. श्वेताने नुकतीच झी मराठीवरील 'बँड बाजा वरात' या कार्यक्रमात हजेरी लावली. या कार्यक्रमाने अनेक नवं दाम्पत्यांना आहेर देऊन त्यांच्या आयुष्यातील सगळ्यात महत्वाचा दिवस अजून खास बनवला आहे. 'बँड बाजा वरात' या कार्यक्रमात श्वेता आणि संदीप यांच्या लग्नाचा थाट पाहायला मिळाला. या लग्नामध्ये श्वेता-संदीप मराठमोळ्या पोशाखात दिसले. लग्नसोहळ्याचे काही फोटो श्वेताने इन्स्टाग्रामवर शेअर केले आहेत. नववधूच्या लूकमध्ये श्वेता खूपच सुंदर दिसत आहे. या फोटोंमध्ये श्वेताने जांभळ्या रंगाची सुंदर साडी नेसली आहे. २००७ साली श्वेता-संदीपने लग्नगाठ बांधली. संदीपने अनेक यशस्वी हिंदी मालिकांमध्ये काम केले आहे. संदीप सध्या अभिनय क्षेत्रापासून दूर असून त्यांचा कपड्यांचा व्यवसाय आहे. श्वेता अभिनेत्री असण्यासोबतच एक उत्तम निर्मातीदेखील आहेत. (सर्व फोटो सौजन्य - श्वेता शिंदे / इन्स्टाग्राम) (हेही पाहा : ‘महाराष्ट्राची हास्यजत्रा’ फेम अभिनेत्री विशाखा सुभेदारची ‘या’ लोकप्रिय मालिकेत एण्ट्री)