Photos : सुश्मिता सेनप्रमाणेच रेनेलाही व्हायचंय अभिनेत्री; जाणून घ्या काय करते तिची धाकटी मुलगी

सुश्मिता सेन बॉलिवूडमधील टॉपच्या अभिनेत्रींपैकी एक असून गेल्या अनेक दिवसांपासून चर्चेत आहे. आयपीएलचे संस्थापक ललित मोदी यांनी सुश्मिता सोबतचे रोमॅंटिक फोटो शेअर केल्यानंतर ते रिलेशनशिपमध्ये असल्याच्या चर्चांना उधाण आले. ललित मोदींनींच याबाबत ट्वीट करून सुश्मिताला ‘बेटर हाफ’ म्हणत दोघेही एकमेकांना डेट करत असल्याचा खुलासा केला. त्यामुळे सुश्मिताबद्दल समाजमाध्यमांमध्ये चर्चा रंगली आहे. १९९४ मध्ये ‘मिस युनिव्हर्स’चा किताब जिंकून प्रसिद्धीझोतात आलेली सुश्मिता लोकप्रिय अभिनेत्री आहे. ‘दस्तक’ या चित्रपटातून १९९६ साली तिने बॉलिवूडमध्ये पदार्पण केलं. ‘बिवी नंबर १’, ‘चिंगारी’, ‘मैने प्यार क्यू किया’, ‘सिर्फ तुम’ या चित्रपटातून तिने प्रेक्षकांच्या मनावर अभिनयाची छाप पाडली. सुश्मिताने वयाच्या २४व्या वर्षी रेने या तिच्या पहिल्या मुलीला दत्तक घेतले. नंतर २०१० साली आलिशाच्या पालकत्वाची जबाबदारी तिने स्वीकारली. रेने आणि आलिशासोबतचे अनेक फोटो सुश्मिता सोशल मीडियावर शेअर करत असते. सुश्मिताची मोठी मुलगी रेने ही आता २२ वर्षांची आहे. तिलाही सुश्मिताप्रमाणेच अभिनेत्री व्हायचं आहे. रेनेने ‘सट्टेबाजी’ या चित्रपटातून बॉलिवूडमध्ये पदार्पण केलं आहे. सुश्मिताप्रमाणेच रेनेही ग्लॅमरस फोटो शेअर करत असते. इन्स्टाग्रामवर तिचे ७५ हजारांहून अधिक फॉलोवर्स आहेत. सुश्मिताची धाकटी मुलगी आलिशा १३ वर्षांची असून तिने शिक्षणावर लक्ष केंद्रीत केलं आहे. रेने आणि आलिशा सुश्मिताच्या जीव की प्राण आहेत. अनेक मुलाखतींतही सुश्मिताने तिचं मुलींबद्दल असलेलं प्रेम व्यक्त केलं आहे. (सर्व फोटो : सुश्मिता सेन, रेने सेन/ इन्स्टाग्राम) (हेही पाहा : सुश्मिता सेनने शेअर केले मालदीव ट्रिपचे फोटो; मोनोकिनीतील बोल्ड लूकने वेधलं लक्ष)