Photos : देसी गर्लच्या वाढदिवसाचे रोमँटिक सेलिब्रेशन, प्रियांकाला किस करत निकने दिल्या शुभेच्छा

बॉलिवूडची देसी गर्ल म्हणून प्रसिद्ध असलेली प्रियांका चोप्रा आता ग्लोबल स्टार झाली आहे. १८ जुलैला प्रियांका चोप्राने ४० वा वाढदिवस साजरा केला. या सेलिब्रेशनचे फोटो सोशल मीडियावर व्हायरल होताना दिसत आहेत. आपल्या पत्नीचा वाढदिवस निकने खूपच खास पद्धतीने साजरा केल्याचं त्यांच्या सोशल मीडियावरील फोटोंमध्ये दिसून येत आहे. निक जोनसने त्याच्या इन्स्टाग्रामवर वाढदिवसाच्या सेलिब्रेशनच्या काही झलक शेअर केल्या आहेत. या फोटोंमध्ये निक- प्रियांकाचा रोमँटिक अंदाज दिसत आहे. निक जोनसने प्रियांकाचा वाढदिवस दरवर्षीप्रमाणे खास आणि हटके अंदाजात साजरा केला. फोटोंमध्ये प्रियांका चोप्रा आणि निक जोनस समुद्र किनाऱ्यावर एकमेकांना लिपलॉक करताना दिसत आहेत. या फोटोंमध्ये दोघांचीही सिझलिंग केमिस्ट्री पाहायला मिळत आहे. प्रियांका- निकचे हे रोमँटिक फोटो सध्या सोशल मीडियावर चर्चेत आहेत. प्रियांका चोप्राच्या बर्थ डे सेलिब्रेशचे काही हटके फोटो देखील निकने त्याच्या इन्स्टाग्रामवर शेअर केले आहेत. यातील एका फोटोमधील कार्डवर 'हॅप्पी बर्थ डे प्रियांका, ८०च्या दशकातील बाळ' असं लिहिलेलं आहे. दुसऱ्या एका फोटोमध्ये निक जोनसने हातात एक टॉवेल पकडलेला दिसत आहे. ज्यावर लिहिलंय, 'Priyanka! the jewel of july est. 1982' हे फोटो शेअर करताना निकने कॅप्शनमध्ये लिहिलं, 'जुलैमधील माझ्या रत्नाला वाढदिवसाच्या शुभेच्छा. तुझ्यासोबत आयुष्याचा क्रेझी प्रवास करत असल्याचा अभिमान वाटतो. खूप प्रेम प्रियांका चोप्रा.' निक जोनसने पत्नी प्रियांकाचा वाढदिवस रोमँटिक अंदाजात साजरा केला असून त्यांचे फोटो खूप व्हायरल झाले आहेत. (फोटो साभार- प्रियांका चोप्रा, निक जोनस इन्स्टाग्राम)