मराठमोळा साज, हातावर मेहंदी अन्…, अभिनेत्री सोनाली कुलकर्णीच्या शाही विवाहसोहळ्याचे फोटो पाहिलात का?

मराठी चित्रपटसृष्टीची ‘अप्सरा’ अर्थातच अभिनेत्री सोनाली कुलकर्णी ही नेहमीच काही ना काही कारणांमुळे चर्चेत असते. काही महिन्यांपूर्वी अभिनेत्री सोनाली कुलकर्णी पुन्हा विवाहबंधनात अडकली. तिने तिचा पती कुणाल बेनोडेकर पुन्हा लगीनगाठ बांधली. लग्नाच्या पहिल्या वाढदिवशी सोनाली-कुणाल पुन्हा एकदा थाटामाटात विवाहबंधनात अडकले. लग्नाला दोन महिने उलटल्यानंतर तिने तिच्या लग्नाचे खास फोटो शेअर केले आहेत. सोनाली ही सोशल मीडियावर फार सक्रीय असते. नुकतंच सोनाली कुलकर्णीने एक पोस्ट शेअर केली आहे. या पोस्टमध्ये तिने तिच्या लग्नाचे दोन फोटो शेअर केले आहेत. यातील एका फोटोत कुणालने सोनालीचा हात हातात घेतल्याचे पाहायला मिळत आहे. तर दुसऱ्या फोटोत सोनाली ही सप्तपदी चालताना दिसत आहे. या फोटोत सोनाली आणि कुणाल या दोघांचे चेहरे दिसत नाही. पण त्यांचे हे फोटो पाहून सोनाली-कुणालचे लग्न पारंपारिक पद्धतीने पार पडल्याचे दिसत आहे. यावेळी सोनालीने छान हिरव्या रंगाची पैठणी परिधान केल्याचे पाहायला मिळत आहे. विशेष म्हणजे तिने हातावर आणि पायावर अगदी नववधूप्रमाणे छान मेहंदही काढली आहे. तर दुसरीकडे कुणालने छान धोती परिधान केली आहे. "07.05.2022. ते. 11.08.2022…, राखून ठेवलेले हे क्षण, साठवून ठेवायला फक्त ६ दिवस बाकी", असे तिने या फोटोला कॅप्शन देताना म्हटले आहे. या फोटोंवर तिच्या चाहत्यांनी लाइक्सचा आणि कमेंट्सचा वर्षाव केला आहे. यावर अनेकांनी कमेंट करत तिला लग्नाच्या शुभेच्छाही दिल्या आहेत.