Photos : ‘दे धक्का २’ टीमची लंडनमध्ये धमाल; शूटिंगदरम्यानचे फोटो पाहिलेत का?

महेश मांजरेकर दिग्दर्शित ‘दे धक्का २’ हा चित्रपट ५ ऑगस्ट रोजी चित्रपटगृहांत प्रदर्शित झाला आहे. मकरंद अनासपुरे, मेधा मांजरेकर, शिवाजी साटम, सिद्धार्थ जाधव, सक्षम कुलकर्णी, प्रवीण तरडे अशी तगडी स्टारकास्ट असलेल्या या चित्रपटाचे शूटिंग लंडनमध्ये झाले आहे. या चित्रपटात अभिनेत्री गौरी इंगवले हिने सायलीची भूमिका साकारली आहे. लंडनमधील चित्रपटाच्या शूटिंगदरम्यानचे काही फोटो गौरीने तिच्या इन्स्टाग्राम अकाऊंटवरून शेअर केले आहेत. ‘दे धक्का २’ चित्रपटाच्या संपूर्ण टीमने लंडनमध्ये खूप धमाल केल्याचं फोटोमध्ये स्पष्ट दिसत आहे. लंडनमधील मांजरेकर कुटुंबियांचा खास फोटो. गौरी आणि मेधा मांजरेकर यांचा क्यूट फोटो. विनोदी अभिनय शैलीने प्रेक्षकांना खळखळून हसायला लावणारा अभिनेता मकरंद अनासपुरे यांचा शूटिंगदरम्यानचा फोटो. गौरीने शेअर केलेले लंडनमधील हे फोटो सोशल मीडियावर चाहत्यांचं लक्ष वेधून घेत आहेत. या चित्रपटाचा पहिला भाग ‘दे धक्का’ हा सुपरहिट ठरला होता. त्यामुळे ‘दे धक्का २’ साठी प्रेक्षक आतुर होते. (सर्व फोटो : गौरी इंगवले, महेश मांजरेकर/ इन्स्टाग्राम) (हेही पाहा : “अशी अवस्था नटाच्या आयुष्यात येते” विनोदी भूमिकांपासून दूर का? मकरंद अनासपुरे स्पष्टच बोलले )