Photos: ‘राणादा’ व ‘पाठक बाई’ लवकरच लग्न बंधनात अडकणार; पहिल्या केळवणाचे फोटो व्हायरल

मराठी कलाविश्वातील लोकप्रिय जोडी अभिनेता हार्दिक जोशी आणि अभिनेत्री अक्षया देवधर लवकरच लग्नगाठ बांधणार आहे. हार्दिक व अक्षया यांच्या घरात लगीनघाई सुरू झाली आहे. नुकतेच हार्दिक व अक्षयाचे पहिले केळवण पार पडले आहे. लग्नाच्या तयारीची खरी तर सुरुवात या केळवणापासून सुरू होते. हार्दिक व अक्षयाने सोशल मीडियावर या केळवणाचे फोटो शेअर केले आहेत. लग्नाआधी वधू-वरांसाठी केले जाणारे केळवण हे तर सगळ्यांनी एकत्र भेटण्याचे निमित्त असते. अक्षय्य तृतीयाच्या मुहूर्तावर ३ मे रोजी हार्दिक व अक्षयाचा साखरपुडा पार पडला होता. गेल्या काही वर्षांपासून हार्दिक आणि अक्षया एकमेकांना डेट करत आहेत. अनेकदा त्यांनी सोशल मीडियावर एकमेकांबरोबरचे फोटो शेअर करुन प्रेमाची जाहीर कबुलीदेखील दिली होती. अखेर ही जोडी लवकरच लग्नाच्या बेडीत अडकणार आहे. (सर्व फोटो सौजन्य - हार्दिक जोशी / अक्षया देवधर इन्स्टाग्राम) (हेही पाहा : फक्त ‘या’ पाच अभिनेत्रींना सलमान खान इन्स्टाग्रामवर करतो फॉलो, दोन नावं वाचून आश्चर्य वाटेल)