Photos : बॉलिवूडच्या ‘या’ कलाकारांनी साकारलेल्या शिक्षकांच्या भूमिका तुम्ही पाहिल्यात का?

अमिताभ बच्चन यांनी 'ब्लॅक' चित्रपटात शिक्षकाची भूमिका साकारली होती. तसेच त्यांनी मोहब्बतेंमध्ये मुख्याध्यपकांची भूमिका साकारली होती. मिस्टर परफेक्शनिस्ट आमिर खानने देखील 'तारे जमीन पर' मध्ये शिक्षक आणि दंगल सारख्या चित्रपटात प्रशिक्षकाची भूमिका साकारली होती. २०१६ साली आलेल्या 'चॉक अँड डस्टर' चित्रपटात अभिनेत्री जुही चावलाने शिक्षकेची भूमिका साकारली होती. या चित्रपटातील शिक्षकाला कोण विसरेल? बोमन इराणी यांनी ३ इडियट्स चित्रपटात शिक्षक आणि मुख्याध्यापक वीरू सहस्त्रबुद्धे उर्फ व्हायरसची भूमिका साकारली होती. यातील बोमन यांचा लूक शास्त्रज्ञ आइन्स्टाइन यांच्यावरून प्रेरित होता. हृतिक रोशनचा ‘सुपर ३०’ चित्रपट हा शिक्षकांचा प्रवास दाखवतो ज्यांनी वंचित मुलांना त्यांची स्वप्ने पूर्ण करण्यासाठी शिकवले जाते. 'कॉमेडी नाईट्स विथ कपिल' कार्यक्रमात परीक्षकाच्या भूमिकेत दिसणारी अभिनेत्री म्हणजे अर्चना पुरण सिंग हिने देखील शाहरुखच्या 'कुछ कुछ होता हैं' चित्रपटात एका विनोदी शिक्षकेची भूमिका साकारली होती. नसरुद्दीन शाह सारखे अभिनेते कोणत्याही भूमिकेत जीव ओतून काम करतात, 'इक्बाल' चित्रपटात त्यांनी साकारलेला प्रशिक्षक आजही आठवतो. 'हिचकी' चित्रपटात राणीने अपंग शिक्षिका बनली होती, जी खूप प्रयत्न करून खोडकर विद्यार्थ्यांना शिकवते. ऋषी कपूर यांनी धर्मा प्रोडक्शनच्या ‘स्टुडंट ऑफ द इयर’ या चित्रपटात शिक्षक आणि शाळेच्या अधिकाऱ्याची भूमिका साकारली होती. हा चित्रपट आलिया भट्ट, वरुण धवन आणि सिद्धार्थ मल्होत्रा यांचाही पहिला चित्रपट होता. शाहिद कपूरने त्याच्या 'पाठशाला' या चित्रपटात सहअभिनेत्री आयशा टाकियासोबत शिक्षकाची भूमिका साकारली होती. किंग खान अर्थात शाहरुखने 'चक दे इंडिया' या चित्रपटात महिला हॉकी संघाच्या प्रशिक्षकाची भूमिका बजावली होती. चित्रपटातील त्याच्या अभिनयाचे कौतुक देखील झाले होते. 'मैं हु ना' चित्रपटात सुष्मिता सेनने साकारलेली चांदनी शिक्षिकेची भूमिका आजही प्रेक्षकांच्या लक्षात आहे. तिचा बोल्ड अंदाजाने प्रेक्षक घायाळ झाले होते. फोटो सौजन्य : इंडियन एक्स्प्रेस