आलिया भट्टच्या डोहाळे जेवणाच्या कार्यक्रमामध्ये मेन्यू व डेकोरेशन काय असणार? कुटुंबियांची तयारी सुरु

अभिनेत्री आलिया भट्टसाठी यंदाचं वर्ष लकी ठरलं आहे असंच म्हणावं लागेल. यामागचं कारण देखील तितकंच खास आहे. एका वर्षामध्येच तिने आपल्या चाहत्यांना गुडन्यूज दिली. 'गंगूबाई काठियावाडी', 'ब्रम्हास्त्र' हे तिचे दोन्ही चित्रपट सुपरहिट तर ठरलेच. पण त्याचबरोबरीने रणबीर कपूरबरोबर लग्नगाठ बांधत तिने सगळ्यांना सुखद धक्काच दिला. इतकंच नव्हे तर काही महिन्यांपूर्वी तिने आपण गरोदर असल्याचं सोशल मीडियाच्या माध्यमातून सांगितलं. आता तिच्या डोहाळे जेवणाची चर्चा सुरु झाली आहे. कपूर तसेच भट्ट कुटुंबीयांनी यासाठी जय्यत तयारी सुरु केली आहे. आलियाच्या डोहाळे जेवणाच्या कार्यक्रमामध्ये सगळं काही खास असणार आहे. आलियाची आई सोनी राजदान आणि नीतू कपूर या कार्यक्रमाचं सुत्रसंचालन करणार आहेत. तसेच कोणत्या प्रकारचे खाद्यपदार्थ असणार हे देखील आता ठरलं आहे. इंडिया टुडेच्या वृत्तानुसार, शाकाहारी पदार्थांचा या कार्यक्रमामध्ये समावेश असणार आहे. आलिया-रणबीरच्या लग्नात व्हेगन बर्गर आणि सुशीचा असा वेगळा स्टॉल होता. डोहाळे जेवणासाठीही असाच काहीसा मेन्यू असणार आहे. तसेच डेकोरेशनदेखील लक्षवेधी असेल. रणबीर-आलियाच्या लहानपणापासूनचे फोटो डोकोरेशनसाठी वापरण्यात येणार आहेत. कपूर व भट्ट कुटुंबातील मंडळी तसेच बी-टाऊनमधील काही कलाकार आलियाच्या डोहाळे जेवणाला उपस्थित राहणार आहेत. बहुदा ऑक्टोबर महिन्यात आलियाचा डोहाळे जेवणाचा कार्यक्रम आयोजित करण्यात येणार आहे. (सर्व फोटो - इन्स्टाग्राम) (हेही पाहा - Photos : “फरसाण घेऊन गेलीस का?” लंडनला गेलेल्या प्राजक्ता माळीला नेटकऱ्यांनी विचारले मजेशीर प्रश्न)