खूपच खास आहे आयरा खान- नुपूर शिखरेची लव्हस्टोरी, जाणून घ्या पहिली भेट ते प्रपोजपर्यंत सर्वकाही

अभिनेता आमिर खानची मुलगी आयरा खान आणि तिचा बॉयफ्रेंड नुपूर शिखरे सध्या बरेच चर्चेत आहेत. नुकतंच नुपूर शिखरेने आयराला एका स्पर्धेदरम्यान सर्वांसमोर अंगठी घालून प्रपोज केलं. ज्याचे फोटो खूप व्हायरल झाले आहेत. नुपूर शिखरे आणि आयरा खान यांच्या नात्याची मागच्या बऱ्याच काळापासून सोशल मीडियावर जोरदार चर्चा होती. या दोघांची लव्हस्टोरी एखाद्या चित्रपटाच्या कथेसारखीच आहे. नुपूर शिखरे आणि आयरा खान यांचं एकमेकांच्या कुटुंबियांशी खूप चांगलं बॉन्डिंग आहे. नुपूर शिखरे आणि आयरा यांची पहिली भेट एका जिममध्ये झाली होती. आयरा फिटनेसबाबत खूप जागरुक आहे आणि अशात तिची जिममध्येच नुपूरशी ओळख झाली होती. विशेष म्हणजे नुपूर शिखरे आयराचे वडील आणि अभिनेता आमिर खानचा फिटनेस ट्रेनरही आहे. आयरा आणि नुपूर यांनी २०२० मध्ये एकमेकांना डेट करायला सुरूवात केल्यानंतर अनेकदा त्यांचे फोटो सोशल मीडियावर व्हायरल झाले होते. नुपूर शिखरेने आयराच्या नावाचा टॅटूदेखील आपल्या हातावर गोंदवून घेतला आहे. नुपूरने अलिकडेच एका स्पर्धेच्या वेळी आयराला सर्वांसमोर लग्नासाठी प्रपोज केलं. ज्याची खूप चर्चा होतेय. आता आयरा आणि नुपूर लग्नाच्या बेडीत कधी अडकणार याबाबत चाहत्यांमध्ये उत्सुकता आहे. (फोटो साभार- नुपूर शिखरे, आयरा खान इन्स्टाग्राम)