Bigg Boss Marathi 4 : “मी इथे कोणाची मनं जपायला आले नाही…” असं अपूर्वा नेमळेकर का म्हणाली?

"ऑल इज वेल" म्हणत काल बिग बॉस मराठीच्या घराचा दरवाजा उघडला. संपूर्ण महाराष्ट्र वाट बघत होता बिग बॉस मराठीच्या सिझन चौथामध्ये कोण सदस्य असतील? अखेर काल त्या चर्चांना पूर्णविराम लागला १६ सदस्यांची काल बिग बॉस मराठीच्या घरामध्ये एंट्री झाली. आजपासून १०० दिवस १६ सदस्य कॅमेराच्या काय तर महाराष्ट्राच्या नजरकैदेत असणार असं म्हणायला हरकत नाही. घरात प्रवेश होताच एकमेकांबद्दल कुरघोड्या आणि टीका सुरु झाल्या आहेत. नुकताच एक प्रोमो समोर आला असून सदस्यांमध्ये चांगलाच वाद झाल्याचे दिसून येत आहे, याचसोबत मतभेद देखील झाले. बिग बॉस यांनी जाहीर केले, प्रत्येक गटातील चारही सदस्यांनी हे ठरवायचे आहे कि, कोणता खेळाडू निरुपयोगी आहे? यावर त्रिशूलने किरण माने यांचं नाव घेतलं होतं, तर अपूर्वाने प्रसादचं नाव घेतलं. "मी इथे कोणाची मनं जपायला आली नाहीये" असंही ती यावेळी म्हणताना दिसली. यामाचं कारण आजच्या एपिसोडमध्ये समजणार आहे. त्यामुळे या पर्वात कितीही ऑल इज वेल म्हटलं तरी वादाची ठिणगी पडणार हे निश्चित. (फोटो सौजन्य- कलर्स मराठी) (आणखी पाहा- फोटोशूटमुळे झालेली ओळख ते ‘बिग बॉस’ मराठीतील बोल्ड जोडी, अशी आहे रुचिरा आणि रोहितची लव्हस्टोरी )