Photos : सलमान खान ते अक्षय कुमार, बॉलिवूडकरांना ‘मराठी दांडियाची’ भुरळ

मराठीतला प्रसिद्ध गायक, संगीतकार अवधूत गुप्ते सध्या चर्चेत आहेत. सध्या तो चर्चेत आला आहे ते म्हणजे मराठी गरबा या कार्यक्रमामुळे., मराठी दांडिया महोत्सव सध्या मुंबईत सुरु आहे. या कार्यक्रमात तो सहभागी झाला आहे. मराठी दांडिया महोत्सव मुंबईत काळाचौकी परिसरात सुरु आहे. या गरब्याचे आयोजन भारतीय जनता पार्टीने केले आहे. अवधूत गुप्ते सूर नवा ध्यास नवा या कार्यक्रमाने आज घराघरात पोहचला आहे. या कार्यक्रमाने त्याला एक वेगळी ओळख निर्माण झाली आहे. ३० सप्टेंबर ते ४ ऑक्टोबरपर्यंत हा गरबा महोत्सव आहे. या महोत्सवाला हजारो लोकांची उपस्थिती असते. या कार्यक्रमाचे फोटो आपल्या इन्स्टाग्राम अकाउंटवर शेअर केले आहेत. या महोत्सवाला बॉलिवूड सेलिब्रेटीदेखील उपस्थित होते, नुकतेच अक्षय कुमारने आपली हजेरी लावून प्रेक्षकांचा आनंद द्विगुणित झाला. अक्षय कुमारच्या बरोबरीने या महोत्सवाला रणवीर सिंगने हजेरी लावली होती. रणवीर सिंगने या महोत्सवात देवीचे दर्शन घेतले. रणवीर सिंगने हातात माईक घेऊन गाणेदेखील गायले. बॉलिवूडच्या दबंग खानने म्हणजे सलमान खाननेदेखील उपस्थित राहून लोकांना खुश केले. केवळ अभिनेतेच नव्हे तर या महोत्सवाला अभिनेत्रींनीदेखील आपली उपस्थिती दर्शवली. अभिनेत्री अनन्या पांडे आणि मराठीमोळी अभिनेत्री सई ताम्हणकर या दोघी उपस्थित होत्या. फोटो सौजन्य : अवधूत गुप्ते / इन्स्टाग्राम