Photos : सुपरस्टारची पत्नी, कोट्यवधींच्या संपत्तीची मालकीण; खऱ्या अर्थाने रॉयल लाइफ जगते गौरी खान

बॉलिवूडचा सुपरस्टार शाहरुख खान आणि त्याची पत्नी गौरी खान बॉलिवूडच्या लोकप्रिय जोड्यांपैकी एक मानले जातात. ८ ऑक्टोबर १९७० रोजी दिल्लीमध्ये जन्मलेली गौरी खान आज ५२ वा वाढदिवस साजरा करत आहे. गौरी खान आणि शाहरुख यांची लव्हस्टोरी यामुळे ती नेहमीच चर्चेत असते. पण याशिवाय तिने बॉलिवूडमध्ये स्वतःची वेगळी ओळख निर्माण केली आहे. बॉलिवूडमध्ये गौरी खान अभिनेत्री म्हणून कार्यरत नसली तरीही तिचा मित्रपरिवार खूप मोठा आहे. गौरी खानने आपल्या कामाच्या जोरावर २०१८मध्ये फॉर्च्यून इंडिया मासिकाच्या आघाडीच्या ५० शक्तिशाली महिलांमध्ये जागा मिळवली होती. एक यशस्वी बिझनेसवूमन असलेली गौरी खान कोट्यवधीच्या संपतीची मालकीण आहे. दिल्लीच्या पंजाबी कुटुंबात जन्मलेल्या गौरी खाननं दिल्लीच्याच टॉप स्कूल आणि कॉलेजमधून आपलं शिक्षण पूर्ण केलं आहे. जवळपास ८ वर्षांच्या रिलेशनशिपनंतर गौरी खान आणि शाहरुखने १९९१ मध्ये लग्न केलं होतं. लग्नानंतर गौरी शाहरुखसह मुंबईला आली आणि तिने त्याच्या करिअरसह स्वतःच्याही करिअरला आकार दिला. यशस्वी बिझनेसवूमन असलेली गौरी खान शाहरुखच्या यशातही तेवढीच भागीदार आहे आणि याचा उल्लेख किंग खानने अनेक मुलाखतींमध्ये केला आहे. एका मीडिया रिपोर्टनुसार शाहरुख खान आणि गौरी खान यांची एकत्र कमाई ७३०४ कोटी रुपये एवढी आहे. गौरी खान देशातील प्रसिद्ध इंटीरियर डिझायनरपैकी एक आहे. 'मन्नत'सह तिने बॉलिवूडच्या अनेक जोडप्यांची घरं सजवली आहेत. मीडिया रिपोर्टनुसार गौरी खानची एकटीची एकूण संपत्ती १७२५ कोटी रुपये एवढी आहे. याशिवाय ती रेड चिलीज प्रॉडक्शन हाऊसची को- फाउंडर आणि सह- निर्मातीही आहे. ज्याने ‘ओम शांति ओम’, ‘माय नेम इज खान’, ‘हॅप्पी न्यू ईयर’, ‘चेन्नई एक्सप्रेस’ साखरे हिट चित्रपट दिलेत. काही काळापूर्वीच गौरी खानने ओटीटीवर स्वतःचा शो सुरू केला असून 'ड्रीम होम्स विथ गौरी खान' असं त्याचं नाव आहे. (फोटो साभार- गौरी खान इन्स्टाग्राम)