“यश-नेहाचा अपघात…” ‘माझी तुझी रेशीमगाठ’ मालिकेत नवा ट्वीस्ट

‘झी मराठी’वरील ‘माझी तुझी रेशीमगाठ’ ही मालिका सध्या घराघरात लोकप्रिय आहे. या मालिकेत अभिनेता श्रेयस तळपदे, प्रार्थना बेहरे हे दोघे प्रमुख भूमिकेत पाहायला मिळत आहे. त्यासोबतच परीची भूमिका साकारणारी बालकलाकार मायरा वायकुळलाही विशेष पसंती मिळत आहे. प्रत्येक नवीन ट्विस्टमुळे ही मालिका अधिकाधिक लोकप्रिय आणि प्रेक्षकांसाठी मनोरंजक बनत आहे. प्रेक्षकांच्या आणि चाहत्यांच्या आग्रहाखातर पुन्हा भेटीला आलेली माझी तुझी रेशीमगाठ ही मालिका एका नवीन वळणावर आली आहे. पण आता सर्व काही सुरळीत सुरु असताना येणाऱ्या भागांमध्ये आपल्याला मोठा ट्विस्ट पाहायला मिळणार आहे. एकीकडे चौधरी कुटुंबात आनंदाची बातमी येणार आहे. तर दुसरीकडे या मालिकेला अपघाताचे ग्रहण लागणार आहे. सध्या या मालिकेत मिथिला खूप आनंदात असते आणि ती गोड बातमी आजोबांना सांगायला जाते, तिथे मिथिलाचा अपघात होतो. तर दुसरीकडे यश गाडी चालवत असताना सिम्मी त्याला ही अपघाताची बातमी सांगते. हे ऐकल्यावर यशलाही धक्का बसतो. त्याचक्षणी यश आणि नेहाच्या गाडीचा अपघात होतो. त्यामुळे येणाऱ्या भागात काय घडणार याची चर्चा होताना दिसत आहे. आणखी वाचा : “१ जूनला आम्ही ग्रुप बनवला अन् १४ दिवसांनी…” सुशांत सिंह राजपूतबद्दल बोलताना प्रार्थना बेहरेने व्यक्त केली खंत