Photos : शनाया कपूरचा बोल्ड अंदाज पाहून चाहत्यांनी केली ‘देसी गर्ल’ प्रियांका चोप्राशी तुलना; फोटो व्हायरल

अभिनेता संजय कपूर आणि महिप कपूर यांची मुलगी शनाया कपूर सध्या चांगलीच चर्चेत असते. वेगवेगळ्या बॉलिवूड पार्टीज आणि स्टार्सच्या मुलांबरोबर फिरताना तिचे फोटो चांगलेच व्हायरल होतात. शनाया तिच्या हॉट आणि बोल्ड लूकमुळे सोशल मिडियावर चर्चेत असते. नुकतंच तिने दिवाळीनिमित्त डिझायनर साडी परिधान करून एक हॉट फोटोशूट केलं आहे. या फोटोशूटमधील काही फोटोज तिने तिच्या सोशल मीडिया अकाऊंटवर शेअर केले आहेत. चंदेरी रंगाच्या चकाकत्या डिझायनर साडीमधला शनायाचा हा बोल्ड अंदाज तिच्या चाहत्यांना भलताच आवडला आहे. तिच्या चाहत्यांनी यावर कॉमेंट करत तिची तुलना थेट प्रियांका चोप्राच्या 'देसी गर्ल'लूकशी केली आहे. इतकंच नाही तर तिच्या चाहत्यांनी तिला 'नॅशनल क्रश' म्हणून घोषित करावं अशाही कॉमेंट केल्या आहेत. तिचा हा हॉट अवतार नेटकऱ्यांना चांगलाच पसंत पडला आहे. शनायासुद्धा लवकरच चित्रपटातून पदार्पण करणार आहे. करण जोहर निर्मित 'बेधडक' या चित्रपटातून शनाया बॉलिवूडमध्ये पदार्पण करणार आहे. (फोटो सौजन्य : शनाया कपूर / इन्स्टाग्राम)