Photos: लक्ष्मी पूजन, परंपरा अन् संस्कृती… लेकीसह प्रियांका चोप्राची पहिलीच दिवाळी दणक्यात साजरी

बॉलिवूड अभिनेत्री प्रियांका चोप्रा लग्नानंतर पती निक जोनससह परदेशात स्थायिक झाली आहे. मात्र प्रियांका चोप्रा सर्वच भारतीय सण परदेशातही मोठ्या उत्साहात साजरी करताना दिसते. काही महिन्यांपूर्वीच प्रियाका चोप्रा आणि निक जोनस आई-बाबा झाले आहेत. त्यामुळे यंदाची दिवाळी ही प्रियांका चोप्राची लेक मालतीसह पहिलीच दिवाळी आहे. दरवर्षीप्रमाणे प्रियांकाने यंदाचे तिच्या लॉस एंजेलिसमधील घरी दिवाळीचं जोरदार सेलिब्रेशन केलं. या दिवाळी सेलिब्रेशन आणि लक्ष्मी पूजनाचे काही फोटो तिने इन्स्टाग्रामवर शेअर केले आहेत. या फोटोंमध्ये प्रियांका चोप्रा आणि निक जोनस भारतीय संस्कृतीनुसार पूजापाठ करताना दिसत आहेत. पण यंदा प्रियांकासह या लक्ष्मी पूजनाला तिची लेक मालती मेरी चोप्रा जोनसही दिसत आहे. यावेळी प्रियांका चोप्रा पारंपारिक भारतीय पोशाख, कपाळाला टिकली, भांगेत सिंदूर अशा अवतारात दिसली. प्रियांका चोप्राने हे फोटो शेअर करत तिच्या चाहत्यांना दिवळीच्या शुभेच्छा दिल्या आहे. याशिवाय तिने घरीच जवळच्या मित्रपरिवारासाठी छोटीशी दिवाळी पार्टीही दिली होती. प्रियांकाने लेकीसह फोटो शेअर केले असले तरीही तिचा चेहरा मात्र अद्याप दाखवलेला नाही. (फोटो- प्रियांका चोप्रा, निक जोनस इन्स्टाग्राम)