Photos : कोण आहे रणदीप हुड्डाची गर्लफ्रेंड लिन लैशराम?, नॅशनल टेलिव्हिजनवर स्विमसूट परिधान केल्यामुळे आली होती चर्चेत

बॉलिवूड अभिनेता रणदीप हुड्डाने अभिनयाच्या जोरावर अल्पावधीतच मनोरंजनविश्वात आणि प्रेक्षकांच्या मनातही स्वत:चं स्थान निर्माण केलं. ‘हायवे’, ‘बॉम्बे टॉकीज’, ‘सरबजीत’, ‘जिस्म २’ या चित्रपटातील त्याचा अभिनय प्रेक्षकांना भावला होता. आता ‘स्वातंत्र्यवीर सावरकर’ चित्रपटातून तो प्रेक्षकांच्या भेटीला येणार आहे. या चित्रपटात तो प्रमुख भूमिका साकारण्याबरोबरच दिग्दर्शनदेखील करणार असल्याची चर्चा रंगली आहे. ‘स्वातंत्र्यवीर सावरकर’ चित्रपटामुळे प्रकाशझोतात असतानाच रणदीपने तो प्रेमात असल्याचीही कबुली दिली आहे. ‘मेरी कोम’ फेम अभिनेत्री लिन लैशरामबरोबरचा एक फोटो रणदीपने दिवाळीच्या निमित्ताने त्याच्या सोशल मीडिया अकाऊंटवरुन शेअर केला आहे. रणदीपचा हा फोटो पाहून त्याची गर्लफ्रेंड लिन लैशरामबद्दल चर्चा रंगू लागल्या आहेत. लिन लैशराम मूळची मणिपूरची असून एक प्रसिद्ध मॉडेल आणि अभिनेत्री आहे. तिने ‘मेरी कॉम’, ‘रंगून’ आणि ‘उमरिका’ यांसारख्या चित्रपटांमध्ये काम केलं आहे. लिन लैशरामने ‘मिस नॉर्थ ईस्ट’ सौंदर्य स्पर्धेत भाग घेतला होता आणि त्यात ती फर्स्ट रनरअप राहिली होती. नॅशनल टेलिव्हिजनवर स्विमसूट परिधान करणारी ती पहिली मणिपुरी मॉडेल आहे. यामुळे ती चर्चेत आली होती. तिरंदाजीतही ती ज्युनियर नॅशनल चॅम्पियन राहिली आहे. याशिवाय ती एक बिझनेसवूमन असून तिचा स्वतःचा दागिन्यांचा व्यवसायही आहे. रणदीप हुडा आणि लिन लैशराम अनेक कार्यक्रमांमध्ये एकत्र दिसून आले होते. तेव्हापासून दोघांच्या अफेअरच्या चर्चा सुरू झाल्या होत्या. ते लिव्ह इनमध्ये राहत असल्याच्या चर्चादेखील रंगल्या होत्या. आता रणदीप हुड्डाने कुटुंबियांसह लिन लैशरामचा फोटो पोस्ट केल्यामुळे ते दोघे लवकरच विवाहबंधनात अडकणार असल्याच्या चर्चांना उधाण आलं आहे. (सर्व फोटो : इंडियन एक्सप्रेस, लिन लैशराम/ इन्स्टाग्राम) (हेही पाहा >>Photos : “बेरोजगारीमुळे मी केस वाढवले पण…”, गौरव मोरेने सांगितला गुगलची अॅड मिळाल्याचा ‘तो’ किस्सा)