पेशानं डॉक्टर, पण करिअर मात्र अभिनय क्षेत्रात! ‘हे’ अभिनेते डॉक्टरही आहेत

चित्रपटांमध्ये असे अनेक अभिनेते आहेत जे अभिनयापूर्वी इतर कोणत्यातरी व्यवसायात होते. काही इंजिनिअर होते तर काही बँक मॅनेजर होते. काही अभिनेते असेही आहेत जे वैद्यकीय शिक्षण घेतल्यानंतर मेडीकल प्रॅक्टिस करायचे. समाजातील डॉक्टरांचे महत्व तर आपण जाणतोच. कोरोना महामारीच्या काळात तर डॉक्टर आपल्यासाठी देवदूतच ठरले होते. चित्रपटसृष्टीत असे काही कलाकार आहे जे आधी डॉक्टर आहेत मग अभिनेते. त्यांनी शिक्षण तर डॉक्टरकीचं घेतलं पण अभिनयाच्या वेडामुळे नामांकित अभिनेते म्हणून उदयास आले. Mohan Aghashe : मोहन आगाशे हे अभिनेते तसेच मानसोपचारतज्ज्ञ आहेत. एमबीबीएसनंतर त्यांनी मानसशास्त्रात एमडीही केले आहे. १९७५ मध्ये निशांत या चित्रपटातून त्यांनी बॉलिवूडमध्ये पदार्पण केले. Shriram Lagoo: श्रीराम लागू यांनी एमबीबीएस आणि एमएसची पदवी घेतली आहे. १९६९ मध्ये चित्रपटात येण्यापूर्वी त्यांनी खासगी रुग्णालयात प्रॅक्टिसही केली होती. Aditi Gowitrikar:आदिती गोवित्रीकर याही डॉक्टर आहेत. त्यांनी एमबीबीएस आणि एमडी केले आहे. Kashinath Ghanekar: बॉलीवूड आणि मराठी चित्रपटांतील प्रसिद्ध अभिनेते काशिनाथ घाणेकर यांनी दंतचिकित्सा विषयात वैद्यकीय शिक्षण घेतले आहे. अभिनेता होण्यापूर्वी त्यांनी दंतचिकित्सक म्हणूनही सराव केला. Palash Sen: अभिनेता गायक आणि संगीतकार पलाश सेन हे देखील डॉक्टर आहेत. त्यांनी दिल्लीतून एमबीबीएसचे शिक्षण घेतले आहे. तो सरावही करायचा. Meyang Chang: गायक आणि अभिनेता मीयांग चांग यांनी बीडीएस पदवी घेतली आहे. त्यांनी डेंटिस्ट म्हणूनही सराव केला आहे. Ashish Gokhale: अक्षय कुमारचा चित्रपट गब्बरसह अनेक टीव्ही मालिकांमध्ये दिसलेला अभिनेता आशिष गोखले याने एमबीबीएसचे शिक्षण घेतले आहे. तो कोकणातही सराव करत असे.