सानिया मिर्झा-शोएब मलिक १२ वर्षांच्या संसारानंतर घटस्फोट घेणार? चर्चांदरम्यान लग्नाचे फोटो व्हायरल

भारतीय टेनिसपटू सानिया मिर्झा आणि तिचा पती पाकिस्तानी क्रिकेटपटू शोएब मलिक घटस्फोट घेणार असल्याच्या चर्चा होत आहेत. मागच्या काही दिवसांपासून सानिया आणि शोएब एकत्र राहत नसल्याची चर्चा आहे. सानिया मुलगा इझानबरोबर राहतीये.तर शोएब एकटाच राहत असल्याच्या बातम्या येत आहेत. अशातच सानिया आणि शोएबच्या लग्नातील फोटो सोशल मीडियावर व्हायरल होत आहेत. सानिया आणि शोएबने प्रेमविवाह केला होता. काही महिन्यांच्या रिलेशनशिपनंतर दोघेही १२ एप्रिल २०१० रोजी लग्न बंधनात अडकले होते. लग्नात शोएबने काळी शेरवानी परिधान केली होती. तर, सानिया लाल रंगाच्या घागऱ्यामध्ये खूप सुंदर दिसत होती. दोघांनी हैदराबादमध्ये लग्न केलं होतं. नंतर पाकिस्तानमध्ये रिसेप्शन सोहळा आयोजित करण्यात आला होता. दोघांच्या घटस्फोटांच्या चर्चांदरम्यान सानिया व शोएबचे लग्नातील फोटो त्यांचे फॅन्स शेअर करत आहेत. मात्र, घटस्फोटांबद्दल शोएब किंवा सानियाकडून कोणतीही अधिकृत प्रतिक्रिया आलेली नाही. (फोटो इंडियन एक्सप्रेस व Sania Mirza fanpage Facebookवरून साभार)