मराठमोळा सिद्धार्थ जाधव ते बॉलिवूड स्टार रणवीर सिंग, रोहित शेट्टीच्या ‘सर्कस’ची खास झलक!

रेहित शेट्टीचं दिग्दर्शन असलेल्या बहुचर्चित 'सर्कस' चित्रपटाचा ट्रेलर नुकताच प्रदर्शित झाला यावेळी चित्रपटाच्या संपूर्ण टीमने हजेरी लावली. अगदी मराठमोळा सिद्धार्थ जाधव ते बॉलिवूड स्टार रणवीर सिंगपर्यंत सगळेच कलाकार यावेळी ट्रेलर लॉन्च सोहळ्याला उपस्थित होते. यावेळी सर्व कलाकरांनी लाल रंगाचे आउटफिट्स परिधान केले होते. ज्याचे फोटो सध्या सोशल मीडियावर व्हायरल झाले आहेत. ट्रेलर लॉन्चच्या वेळी रणवीर सिंग नेहमीप्रमाणे मस्तीच्या मूडमध्ये धम्माल करताना दिसला. रणवीर सिंग आणि वरुण शर्मा यांनी यावेळी खूपच धम्माल मस्ती केली असंच या फोटोवरून दिसून येत आहे. या चित्रपटात वरुण शर्मा दुहेरी भूमिकेत दिसणार आहे. ट्रेलर लॉन्चच्या कार्यक्रमात अभिनेत्री पूजा हेगडे लाल रंगाच्या साडीत खूपच सुंदर दिसत होती. तर दुसरीकडे जॅकलीन फर्नांडिसच्या स्टायलिश अंदाजाने सर्वाचं लक्ष वेधून घेतलं. रणवीर सिंग आणि रोहित शेट्टी धम्माल करतानाचे काही कॅन्डिड क्षण कॅमेऱ्यात काहीसे अशा प्रकारे कैद झाले. या चित्रपटातील एका गाण्यात अभिनेत्री दीपिका पदुकोण रणवीरबरोबर थिरकताना दिसणार आहे. रोहित शेट्टी दिग्दर्शित 'सर्कस' चित्रपट येत्या २३ डिसेंबरला म्हणजे ख्रिसमसच्या मुहूर्तावर प्रेक्षकांच्या भेटीला येत आहे. (फोटो साभार - विरेंद्र चावला, इंडियन एक्सप्रेस)