Photos : २०० कोटींची कमाई करणारे ‘हे’ दाक्षिणात्य चित्रपट; तुम्ही पाहिलेत का?

दाक्षिणात्य चित्रपटांनी २०२२ मध्ये बॉक्स ऑफिसवर उत्तम कमाई केली आहे. बॉलिवूडचे अनेक चित्रपट अयशस्वी ठरले. नुकताच प्रदर्शित झालेल्या 'कांतारा'ने ३५० कोटी रुपये कमावले. कोणतीही मोठी स्टारकास्ट नसताना लेखक दिग्दर्शक अभिनेता रिषभ शेट्टीने नव्या कलाकारांना घेऊन हा चित्रपट हिट करून दाखवला. अभिनेते, दिग्दर्शक कमल हासन यांचा 'विक्रम' चित्रपटाने ४१० कोटी कमावले, या चित्रपटात तगडी स्टार कास्ट होती. 'बाहुबली'सारखा चित्रपट देणारे दिग्दर्शक राजामौली यांच्या 'आरआरआर' चित्रपटाने १११४ कोटी इतके कमावले. दाक्षिणात्य स्टार विजयच्या 'बिस्ट' चित्रपटाने २३६. ९० कोटींचा व्यवसाय केला. 'केजीएफ' चित्रपटाने लोकांना अक्षरशः वेड लावले होते. याच चित्रपटाचा पुढील भाग यावर्षी प्रदर्शित झाला, त्याने ११४८ कोटी कमावले. यावर्षी आलेल्या 'पीएस १' या ऐतिहासिक चित्रपटानेदेखील ५०० कोटींचा व्यवसाय केला. हा चित्रपट मणिरत्नम यांनी दिग्दर्शित केला होता. किचा सुदीप, जॅकलिन फर्नांडिस अशी स्टार कास्ट असलेल्या 'विक्रम रोना' चित्रपटाने २०० कोटी कमावले. अजित या दाक्षिणात्य अभिनेत्याच्या 'वलीमाई' चित्रपटाने २२५ कोटी कमावले आहेत.फोटो सौजन्य : इंडियन एक्सप्रेस