‘बिग बॉस’च्या घरात बहरलेलं नातं, हातावर टॅटू अन् ब्रेकअप; शिव ठाकरे-वीणा जगतापची लव्हस्टोरी

छोट्या पडद्यावरील सर्वांत लोकप्रिय आणि तितकाच वादग्रस्त रिअॅलिटी शो म्हणून बिग बॉसकडे पाहिलं जातं. ‘बिग बॉस मराठी’च्या दुसऱ्या पर्वातून प्रसिद्धीझोतात आलेली अभिनेत्री म्हणून वीणा जगताप हिच्याकडे पाहिले जाते. ती नेहमीच काही ना काही कारणांमुळे चर्चेत असते. नुकतंच वीणा जगतापने शिव ठाकरेसाठी एक पोस्ट शेअर केली आहे. शिव ठाकरेने बिग बॉस मराठीचे दुसरे पर्व जिंकले होते. या पर्वानंतर आता शिव हा बिग बॉस १६ मध्ये सहभागी झाला आहे. या कार्यक्रमाद्वारे त्याने हिंदी रसिकांची मनं जिंकताना दिसत आहे. नुकत्याच एका एपिसोडमध्ये शिव ठाकरेला अश्रू अनावर झाले आणि तो रडताना दिसला. नेहमीच खंबीर राहणाऱ्या शिवला रडताना पाहून सगळेच हैराण झाले आहेत. त्यानंतर आता वीणाने शिव ठाकरेला पाठिंबा दिला आहे. वीणाने इन्स्टाग्रामवर एक स्टोरी शेअर केली आहे. यात तिने शिवचा बिग बॉसच्या घरातील रडताना व्हिडीओ पोस्ट केला आहे. या पोस्टबरोबर तिने शिवसाठी खास कॅप्शनही दिले आहे. “वाघ आहेस तू…. रडू नकोस अजिबात… मी आहे सोबत नेहमी” असे तिने या पोस्टला कॅप्शन दिले आहे. याबरोबर तिने रेड हार्ट इमोजीही शेअर केले आहे. वीणाच्या या पोस्टमुळे चर्चांना उधाण आले आहे. ते दोघेही लवकरच एकत्र येणार असल्याचेही बोललं जात आहे. शिव ठाकरे आणि वीणा जगताप ही जोडी बिग बॉस मराठीमुळे प्रसिद्धीझोतात आली. शिव ठाकरे आणि वीणा जगताप यांची लव्हस्टोरी खूप गाजली. बिग बॉसच्या घरात या दोघांमध्ये प्रेम फुललं होतं. शिव-वीणा या दोघांनीही सोशल मीडिया पोस्ट करत याबद्दलची कबुली दिली होती. त्यावेळी वीणाबरोबरच्या नात्यावरुन शिवला ट्रोल करण्यात आलं होतं. बिग बॉसचा शो जिंकण्यासाठी त्याने पब्लिसिटी स्टंट केला होत, असे काहींचे म्हणणे होते. मात्र त्यानंतर वीणाबरोबर नातं बिग बॉसचा शो जिंकण्यासाठी केलेला पब्लिसिटी स्टंट नव्हता. मी खरंच तिच्या प्रेमात आहे, अशी कबुली शिवने दिली होती. वीणानेही तिच्या हातावर ‘शिव’ नावाचा टॅटू काढत प्रेम व्यक्त केलं होतं. बिग बॉसच्या घरातून बाहेर पडल्यानंतर त्या दोघांचं नातं छान बहरलं होतं. त्यामुळे त्यांचे चाहतेही आनंदात पाहायला मिळाले. वीणा आणि शिव हे त्यावेळी सतत एकमेकांचे फोटो इन्स्टाग्रामवर शेअर करताना पाहायला मिळाले. शिव व वीणा या घरातून बाहेर पडल्यावर लग्न करणार असल्याचे त्यांनी बिग बॉसच्या घरात झालेल्या पत्रकार परिषदेत कबूल देखील केले होते. मात्र बाहेर आल्यानंतर शिवने या विषयावर माझ्या कुटुंबियांशी मी बोलणार आहे, असे सांगितले होते. शिवच्या आईला सुरुवातीला स्क्रीनवर दाखवण्यात आलेल्या काही गोष्टी खटकल्या होत्या. मात्र त्यानंतर वीणा शिवच्या आईलादेखील भेटली. त्यांच्या भेटीचा फोटो शिवने इन्स्टाग्रामवर शेअर केला होता. शिव व वीणाची केमेस्ट्री त्यांच्या चाहत्यांना खूप आवडली होती. वीणाने शिवच्या वाढदिवसानिमित्त त्याच्या नावाचा टॅटू तिच्या हातावर काढला. बिग बॉस मराठी २ हे पर्व शिव आणि वीणा यांच्या लव्हस्टोरीमुळे चांगलाच गाजला. या दोघांच्या केमिस्ट्रीमुळे बिग बॉसला चार चांद लागले होते. विशेष म्हणजे वीणाने शिवच्या नावाचा टॅटूही हातावर गोंदवून घेतला होता. तसेच शिव बिग बॉसचा विजेता ठरल्यानंतर तिने जंगी सेलिब्रेशनही केले होते. मात्र काही महिन्यांनी त्यांचा ब्रेकअप झाला होता. त्यानंतर वीणाने शिवच्या नावाचा टॅटूही काढून टाकला होता.