सुहाना-खुशी-अगस्त्यने पूर्ण केलं The Archies चं शूटिंग, पाहा अखेरच्या दिवसाची खास झलक

झोया अख्तरचा बहुचर्चित चित्रपट 'द आर्चीज'चं शूटिंग नुकतंच संपलं. या शूटिंगच्या अखेरच्या दिवसाचे फोटो समोर आले आहेत. या फोटोमध्ये सुहाना खान, खुशी कपूर, डॉट, मिहिर आहूजा, युवराज मेंडा, अगस्त्य नंदा आणि वेदांग रैना आनंद साजरा करताना दिसत आहेत. झोया अख्तरचं दिग्दर्शन असलेला हा चित्रपट २०२३ मध्ये नेटफ्लिक्सवर प्रदर्शित होणार आहे. या चित्रपटाची कथा हायस्कुलमधील प्रेमाच्या त्रिकोणावर आधारित आहे. 'द आर्चीज'मध्ये सुहाना खान 'वेरोनिका', खुशी कपूर 'बेट्टी' तर अगस्त्य नंदा 'आर्चीज' या भूमिकांमध्ये दिसणार आहेत. अगस्त्य नंदा, खुशी कपूर, सुहाना खान या चित्रपटातून बॉलिवूड पदार्पण करणार आहेत. झोया अख्तरने शूटिंग संपल्यानंतर रॅपचे फोटो तिच्या इन्स्टाग्रामवर शेअर केले आहेत. या फोटोंमध्ये चित्रपटाची संपूर्ण टीम केक कापून सेलिब्रेट करताना आणि एन्जॉय करताना दिसत आहे. झोया अख्तर दिग्दर्शित हा चित्रपट आर्चीज या कॉमिक बुकवर आधारित आहे. जगभरात हे कार्टून कॉमिक लोकप्रिय होतं. (फोटो सौजन्य- झोया अख्तर इन्स्टाग्राम)