Photos: ‘रुही’ने अवघ्या १५व्या वर्षी मुंबईत घेतलं कोट्यवधींचं घर, फोटो पाहिलेत का?

छोट्या पडद्यावरील ‘ये है मोहब्बते’ मालिकेतून घराघरात पोहोचलेली बालकलाकार म्हणजे रुहानिका धवन. या मालिकेत रुही हे पात्र साकारुन तिने लोकप्रियता मिळवली. रुहानिकाचा चाहता वर्ग मोठा असून ती सोशल मीडियावर प्रचंड सक्रिय असल्याचं पाहायला मिळतं. रुहानिकाने नुकतंच स्वत:चं घर खरेदी केलं आहे. सोशल मीडियावर फोटो शेअर करत याची माहिती तिने चाहत्यांना दिली आहे. अवघ्या १५व्या वर्षी कोट्यवधींचं घर खरेदी केल्यामुळे तिच्यावर कौतुकाचा वर्षाव होताना दिसत आहे. अनेकांनी कमेंटमध्ये रुहानिकाचं अभिनंदन करत तिचं कौतुक केलं आहे. रुहानिकाने १५व्या वर्षी घर खरेदी करण्याचं श्रेय तिच्या आईला दिलं आहे. आईने पैशाची योग्य गुंतवणूक केल्यामुळे आज मला घर खरेदी करता आलं, असं तिने सांगितलंय. तसेच तिने वडिलांबरोबरचा फोटोही शेअर केला आहे. रुहानिकाने अनेक मालिकांमध्ये काम करुन प्रेक्षकांचं मनोरंजन केलं आहे. ‘ये हे मोहब्बते’, ‘ये हे चाहते’ या मालिकांमधून प्रेक्षकांची मने जिंकून घेतली. ‘झलक दिखला जा’ शोमध्येही तिने सहभाग घेतला होता. रुहानिका सोशल मीडियारवर तिचे फोटो व्हिडीओ शेअर करत असते. तिचे लाखो चाहते आहेत. (सर्व फोटो - रुहानिका धवनच्या इन्स्टाग्रामवरून साभार)