‘Avengers: Endgame’ ला मागे टाकत ‘अवतार २’ ठरला भारतात सर्वाधिक कमाई करणारा हॉलिवूड सिनेमा’; आकडा पाहून थक्क व्हाल

जेम्स कॅमेरॉनच्या 'अवतार: द वे ऑफ वॉटर' या चित्रपटाने भारतात विक्रम केला आहे. 'अवतार २' आता भारतात सर्वाधिक कमाई करणारा हॉलिवूड चित्रपट ठरला आहे. 'अवतार: द वे ऑफ वॉटर' ही काल्पनिक पांडोरा ग्रहाची कथा आहे, ज्यामध्ये एक माणूस जेक सुली नाविक बनून तिथे जातो आणि त्या जमातीच्या राजकुमारीशी लग्न करून तिथेच स्थायिक होतो. त्याला आता मुले झाली आहेत आणि पुन्हा एकदा या ग्रहावर माणसांनी हल्ला केला आहे, आता या चित्रपटात जेक सुली आपल्या कुटुंबाला कसे वाचवते हे आपल्याला पाहायला मिळेल. जेम्स कॅमेरॉनचा 'अवतार: द वे ऑफ वॉटर' भारतात इंग्रजी, हिंदी, तमिळ, तेलगू, कन्नड आणि मल्याळम भाषांमध्ये प्रदर्शित झाला आणि या चित्रपटाने सर्व भाषांमध्ये उत्तम कलेक्शन केले आहे. अवतार: द वे ऑफ वॉटरने भारतात ४०.३० कोटी रुपयांची जबरदस्त ओपनिंग केली होती. या चित्रपटाने ४५४ कोटींची कमाई करून Avengers Endgame ला मागे टाकले आहे. 'Avengers: Endgame' ने भारतात एकूण ४३८ कोटी रुपयांचे कलेक्शन केले होते. 'अवतार २' चित्रपटाचे नेट कलेक्शन ३७३.२५ कोटी रुपये झाले आहे, तर 'Avengers: Endgame' चे नेट कलेक्शन ३७२.२२ कोटी रुपये होते. भारतातील टॉप 5 सर्वाधिक कमाई करणारे चित्रपट पहिल्या क्रमांकावर २०२२ मध्ये रिलीज झालेला 'अवतार 2' आहे. (Twitter) २०१९ मध्ये रिलीज झालेला 'Avengers: Endgame' दुसऱ्या क्रमांकावर आहे. २०१८ साली आलेला 'Avengers: Infinity War' हा चित्रपट तिसऱ्या क्रमांकावर आहे. २०२१ साली आलेला 'स्पायडरमॅन: नो वे होम' हा चित्रपट चौथ्या क्रमांकावर आहे. २०१६ मध्ये रिलीज झालेला 'द जंगल बुक' हा चित्रपट पाचव्या क्रमांकावर आहे. (All Photos: twitter)