गोंडस चेहरा, निरागस डोळे; निकसारखीच हुबेहुब दिसते प्रियांका चोप्राची लेक, फोटो पाहिलेत का?

बॉलिवूडसह हॉलिवूड गाजवणारी अभिनेत्री म्हणून ओळखली जाणारी प्रियांका चोप्रा आणि निक जोनस हे वर्षभरापूर्वी सरोगसीच्या माध्यमातून आई-बाबा झाले. नुकतंच प्रियांकाने तिच्या लेकीचा चेहरा दाखवला आहे. प्रियंका चोप्राने एका सार्वजनिक कार्यक्रमाला हजेरी लावली. यावेळी जोनस ब्रदर्स, निक जोनस हे सर्वजण उपस्थित होते. यावेळी प्रियांका ही मालतीला हातात घेऊन पहिल्या रांगेत बसलेली पाहायला मिळाली. याचा एक व्हिडीओही प्रियांकाने तिच्या इन्स्टाग्रामवर शेअर केला आहे. प्रियांका चोप्रा-निक जोनसची मुलगी मालतीची एक झलक पाहण्यासाठी तिचे चाहते फारच उत्सुक होते. अखेर तिची झलक सर्वांसमोर आली आहे. प्रियांका आणि निकची लेक हुबेहुब वडिलांसारखीच दिसत आहे. तिचा गोंडस चेहरा, निरागस डोळे, इवलेशे हात-पाय यामुळे तिने सर्वांचेच लक्ष वेधून घेतले आहे. यावेळी प्रियांकाने मालतीला छान स्वेटशर्ट परिधान केले होते. त्याबरोबरत तिने मॅचिंग हेअरबँडही लावला होता. दरम्यान प्रियांका चोप्राने २०१८ मध्ये जोधपुर येथे निक जोनससह लग्न केलं होतं. त्यानंतर २०२२ मध्ये प्रियांकाने सरोगसीद्वारे मुलीला जन्म दिला. (सर्व फोटो - AP)