Photos : काळे मणी, दोन वाट्या आणि दोन सरी; वनिता खरातच्या तीन मंगळसूत्रांच्या हटके डिझाईन

'महाराष्ट्राची हास्यजत्रा'मधून घराघरात पोहोचलेली अभिनेत्री वनिता खरात अलीकडेच विवाहबंधनात अडकली. वनिताने तिचा बॉयफ्रेंड सुमित लोंढे याच्यासोबत २ फेब्रुवारी रोजी लग्नगाठ बांधली. त्यांच्या लग्नसोहळ्याची विशेष चर्चाही रंगली. 'महाराष्ट्राची हास्यजत्रा'मधील जवळपास सर्वच कलाकारांनी तिच्या या खास सोहळ्यात उपस्थिती दर्शवली होती. अगदी मेहंदीपासून रिसेप्शनपर्यंत हे कलाकार वनिता-सुमितच्या आनंदात सहभागी झाले होते. या सर्वच कार्यक्रमांचे फोटो सोशल मीडियावर व्हायरल झाले आहेत. यानंतर आता अभिनेत्रीचे कोकणातील काही फोटो समोर आले आहेत. ती सुमितसह देवदर्शनासाठी कोकणात पोहोचली आहे. यावेळी वनिताच्या गळ्यातील मंगळसूत्राने सर्वांचेच लक्ष वेधून घेतले. (फोटो - Itsmajja/ इन्स्टाग्राम) वनिताने नव्या नवरीच्या श्रृंगाराप्रमाणे गळ्यात ठसठशीत मंगळसूत्र परिधान केले होते. यावेळी वनिताने मुहूर्तमणी, छोटं मंगळसूत्र आणि मोठं मंगळसूत्र असे तीन दागिने परिधान केले होते. वनिताने परिधान केलेल्या मंगळसूत्राने सर्वांचेच लक्ष वेधून घेतले. तिच्या तिन्ही मंगळसूत्राचे डिझाईन फारच हटके आहे. कोकणातील देवदर्शनावेळी वनिताने साडी आणि पंजाबी ड्रेस असा पारंपारिक लूक केला होता. तर सुमितने ट्रेडिशनल कुर्ता परिधान केला होता. वनिता खरात- सुमित लोंढे या दोघांनी गुरुवारी २ फेब्रुवारीला सप्तपदी घेत नव्या आयुष्याला सुरुवात केली. यानंतर शनिवारी ४ फेब्रुवारीला सुमितच्या घरी सत्यनारायणाची पूजा पार पडली. या पूजेवेळी त्या दोघांनी पारंपारिक लूक केला होता. त्यावेळीही तिच्या गळ्यातील मंगळसूत्र चर्चेचा विषय ठरले होते. दरम्यान वनिताचा नवरा सुमित एक व्हिडीओ क्रिएटर आणि ब्लॉगर आहे. त्याला फिरण्याचीही प्रचंड आवड आहे. एका पिकनिकमध्ये वनिता व सुमित एकमेकांना भेटले. आधीपासूनच मित्र असलेल्या वनिता व सुमितची पिकनिकनंतर घट्ट मैत्री झाली.