दिल्ली-मुंबईत घरं अन् आलिशान गाड्या; वयाने लहान फहाद अहमदशी लग्न करणाऱ्या स्वरा भास्करची एकूण संपत्ती किती?

अभिनेत्री स्वरा भास्करने समाजवादी पार्टीचा नेता फहाद अहमदशी लग्न केलं आहे. दोघांनी स्पेशल मॅरेज अॅक्ट अंतर्गत विवाह केला. स्वराने व्हिडिओ शेअर करत तिच्या व फहादच्या लग्नाबद्दल माहिती दिली. दोघांनी १६ फेब्रुवारी रोजी एंगजेमेंट केली. दोघेही मार्च महिन्यात दिल्लीमध्ये लग्न करणार आहेत, अशी माहितीही त्यांनी दिली. १९९२ मध्ये उत्तर प्रदेशमध्ये जन्मलेला फहाद स्वरापेक्षा तीन वर्षांनी लहान आहे. सध्या तिच्या आंतरधर्मीय लग्नामुळे चर्चेत असलेली स्वरा तिच्या स्पष्टवक्तेपणासाठीही ओळखली जाते. आज आपण स्वरा भास्करच्या संपत्तीबद्दल जाणून घेणार आहोत. मीडिया रिपोर्ट्सनुसार, स्वरा भास्करची एकूण संपत्ती जवळपास ४० कोटी रुपये आहे. ती एका चित्रपटासाठी ४ ते ५ कोटी रुपये मानधन घेते. चित्रपटांव्यतिरिक्त स्वरा भास्कर सोशल मीडिया आणि ब्रँड एंडोर्समेंटच्या माध्यमातूनही मोठी कमाई करते. स्वरा अनेक प्रसिद्ध ब्रँडच्या जाहिराती करते. यामध्ये तनिष्क ज्वेलरी, फॉर्च्यून रिफाइंड ऑइल आणि स्प्राईट यांचा समावेश आहे. स्वराची दिल्ली आणि मुंबईत घरं आहेत, त्यांची किंमतही कोट्यवधींमध्ये आहे.मुबईत तिचं आलिशान घर आहे. स्वरा भास्करला महागड्या गाड्यांची आवड आहे. स्वराच्या कलेक्शनमध्ये तिची सर्वात आवडती कार BMW X1 असल्याचं म्हटलं जातं. या कारची किंमत सुमारे ४८ लाख रुपये आहे. याशिवाय तिच्याकडे इतरही अनेक आलिशान गाड्या आहेत. (सर्व फोटो - स्वरा भास्करच्या सोशल मीडिया अकाउंट्सवरून साभार)