बिग बींच्या फिल्मी करिअरमध्ये शत्रुघ्न सिन्हांचा मोठा वाटा; अभिनेत्याच्या ‘त्या’ कृतीमुळे अमिताभ बच्चन बनले बॉलिवूडचे महानायक

अमिताभ बच्चन आणि शत्रुघ्न सिन्हा यांनी एकाच वर्षी अभिनय क्षेत्रात पदार्पण केले. १९६९ मध्ये दोघांनी फिल्मी दुनियेत प्रवेश केला होता. पण अमिताभ यांच्या आधी शत्रुघ्न सिन्हांचं करिअर हिट झालं. त्यांना अनेक चित्रपट आणि मोठ्या भूमिकांच्या ऑफर आल्या. पण अमिताभ यांच्या करिअरमध्ये शत्रुघ्न सिन्हांचा मोठा वाटा आहे, असं म्हटलं तर वावगं ठरणार नाही. 'जंजीर'ने अमिताभ यांना बॉलिवूडचा अँग्री मॅन बनवले. दीवारने त्यांना अभिनेता बनवलं आणि शोलेने सुपरस्टार बनवलं. या तिन्ही चित्रपटांमध्ये अमिताभ यांच्या व्यक्तिरेखेने लोकांच्या मनावर अशी छाप पाडली की त्या भूमिका आजही लोकांना आठवतात. पण तुम्हाला माहित आहे का की याआधी हे दोन्ही चित्रपट शत्रुघ्न सिन्हा यांना ऑफर करण्यात आले होते. या चित्रपटांची स्क्रिप्ट बराच काळ त्याच्याकडे पडून होती, पण शत्रुघ्न सिन्हा यांच्याकडे त्यावेळी वेळ नव्हता. ते इतर चित्रपटांच्या शूटिंगमध्ये व्यग्र होते, त्यामुळे त्यांनी सर्व चित्रपट नाकारले होते. नंतर हे चित्रपट अमिताभ बच्चन यांना ऑफर करण्यात आले आणि त्यांनी या चित्रपटांमध्ये इतक्या दमदार भूमिका साकारल्या की ते काही वेळातच सुपरस्टार बनले. सर्व फोटो - इंडियन एक्सप्रेसवरून साभार