Swini Khara Engaged: बिग बींच्या ‘चिनी कम’ चित्रपटातील बालकलाकार स्विनीने उरकला साखरपुडा; फोटो शेअर करत म्हणाली…

अमिताभ बच्चन आणि तब्बू स्टारर २००७ मध्ये आलेल्या 'चीनी कम' या चित्रपटाची बालकलाकार स्विनी खारा हिने एंगेजमेंट केली आहे. स्विनीने एका इंस्टाग्राम पोस्टद्वारे ही माहिती दिली. स्विनी खराने तिच्या इन्स्टाग्रामवर एंगेजमेंट सेरेमनीचे काही फोटो शेअर केले आहेत. या फोटोंमध्ये स्विनी तिचा होणारा पती उर्विशबरोबर डान्स करताना दिसत आहे. हे फोटो शेअर करत स्विनीने कॅप्शनमध्ये लिहिले की, "मी कागदाची अंगठी घेऊनही तुझ्याशी लग्न करण्यास तयार आहे." स्विनीने शेअर केलेल्या फोटोंमध्ये ती आणि उर्विश खूप सुंदर दिसत आहेत. उर्विशने ब्लॅक सूट घातला होता,तर स्विनी गुलाबी रंगाचे शेड्स असलेल्या ड्रेसमध्ये खूपच सुंदर दिसत होती. दोघांनी जयपूरमध्ये एंगेजमेंट केली. त्यांच्या या फोटोंवर अविका गौरसह काही कलाकारांनी शुभेच्छा दिल्या आहेत. स्विनी व उर्विश एकमेकांना डेट करत होते आणि आता ते लग्नबंधनात अडकणार आहेत. टीव्ही शो व्यतिरिक्त स्विनी खारा अनेक बॉलिवूड चित्रपटांमध्ये दिसली आहे. स्वीनीने सैफ अली खान आणि विद्या बालन स्टारर 'परिणीता' आणि 'चिंगारी' या चित्रपटात काम केले होते. याशिवाय स्वीनी शाहिद कपूर आणि आयशा टाकियाच्या 'पाठशाला' या चित्रपटाचाही भाग होती. स्वीनीने 'एमएस धोनी' चित्रपटात धोनीची बहीण 'जयंती'ची भूमिका साकारली होती. स्विनी 'चिनी कम' चित्रपटातील तिच्या भूमिकेसाठी विशेष ओळखली जाते.