१३ व्या वर्षी घेतली ४४ लाखांची आलिशान गाडी; अभिनेत्रीला नेटकऱ्यांनी केलं ट्रोल, म्हणाले, “या वयात लायसन्स…”

बालकलाकार रीवा अरोरा खूप लोकप्रिय आहे. तिने काही चित्रपटांमध्ये काम केलंय. तिचे इन्स्टाग्रामवर १० मिलियन फॉलोअर्स आहेत. ती अवघी १३ वर्षांची आहे, पण वयापेक्षा मोठी दिसते. त्यामुळे तिने सर्जरी केलीय, असं म्हणून तिला ट्रोल केलं जातं. एका गाण्यात करण कुंद्राबरोबर रोमान्स केल्याने ती खूप ट्रोल झाली होती. अलीकडेच तिचे इन्स्टाग्रामवर १० मिलियन फॉलोअर्स झाले आहेत. तिने यासंदर्भात पोस्ट करून माहिती दिली. त्याचबरोबर तिने एक आलिशान गाडी खरेदी केली आहे. तिच्या आलिशान गाडीची किंमत ४४ लाख रुपये आहे, असं म्हटलं जातंय. तिने नवीन गाडीचे काही फोटो पोस्ट केले आहेत. गाडी घेण्यासाठी रीवा हाय स्लिट रेड ड्रेस घालून गेली होती. १० मिलियन फॉलोअर्ससाठी तिने चाहत्यांचे आभार मानले आहेत. रीवाने नवीन गाडी घेतल्यावर चाहते तिला शुभेच्छा देत आहेत. तर, काही जण मात्र तिला ट्रोलही करत आहेत. १२ वर्षांच्या मुलीजवळ गाडी चालवायचं लायसन्स आहे का, असं एका युजरने म्हटलंय. काहींनी तिच्या वयावरून, तर काहींनी ड्रेसिंग सेन्सवरून रीवाला ट्रोल केलंय. (सर्व फोटो - रीवा अरोरा इन्स्टाग्राम)