अभिनेत्री बनण्यासाठी १६ व्या वर्षी घरच्यांशी घेतला ‘पंगा’; अशी बनली कंगना बॉलिवूडची क्वीन

बॉलिवूड अभिनेत्री कंगना रणौतचा आज वाढदिवस आहे. कंगना बॉलिवूडमधील टॉपची अभिनेत्री मानली जाते. मात्र, ही बॉलिवूडची क्वीन चित्रपटसृष्टीत नेमकी आली कशी तुम्हाला माहिती आहे का? कंगना राणौत हिचा जन्म २३ मार्च १९८७ रोजी हिमाचल प्रदेशातील सूरजपूर भांबला येथे झाला. मुलीच्या जन्मापासूनच कंगनाच्या आई-वडिलांचे तिला एक प्रसिद्ध डॉक्टर बनवण्याचे स्वप्न होते. कंगनाला लहापणापासूनच अभिनेत्री बनायचे होते. मात्र, तिच्या घरच्यांना तिने अभिनेत्री बनणे बिलकूल पसंत नव्हते. अखेर अभिनेत्री बनण्यासाठी वयाच्या केवळ १६ व्या वर्षी कंगना घरातून पळून दिल्लीत आली. एका मॉडेलिंग कंपनीला कंगनाचा लूक खूप आवडला, तिने कंगनाला मॉडेलिंग करण्याचा सल्ला दिला. मॉडलिंग केल्यानंतर कंगनाला त्यात जास्त क्रिएटीविटी वाटली नाही. त्या काळात कंगना मॉडलिंगबरोबरच थिएटर नाटकही करत होती. थिएटर नाटक केल्यानंतर कंगना चित्रपटात काम मिळेल या आशेने मुंबईत आली. सुरुवातीच्या काळात कंगनाला प्रचंड समस्यांचा सामना करावा लागला. छोटेसे काम मिळवण्यासाठीही कंगनाला खूप मेहनत घ्यावी लागायची. अनेकदा तर पैशांच्या चणचणीचाही सामना कंगनाला करावा लागला होता. २००७ मध्ये आलेल्या लाईफ इन अ मेट्रो या चित्रपटातून कंगनाला खरी ओळख मिळाली. कंगनाला २००८ मध्ये आलेल्या 'फॅशन' या चित्रपटात तिच्या शानदार कामासाठी राष्ट्रीय पुरस्कार मिळाला होता. यानंतर ती क्वीन या चित्रपटात दिसली. क्वीन या चित्रपटाच्या यशाने तिला रातोरात स्टार बनवले. क्वीन आणि तनु वेड्स मनू हे त्याच्या कारकिर्दीतील सर्वोत्कृष्ट चित्रपट ठरले आहेत. या चित्रपटाच्या यशानंतर कंगना इंडस्ट्रीत लीड एक्ट्रेस म्हणून दिसली. आपली मेहनत आणि अभिनयाच्या जोरावर आज कंगनाची गणती टॉपच्या अभिनेत्रींमध्ये केली जाते