बंगले अन् आलिशान गाड्या; नॅशनल क्रश रश्मिका मंदाना आहे कोट्यवधींची मालकीण, महिन्याला कमावते..

नॅशनल क्रश रश्मिका मंदाना दाक्षिणात्य चित्रपटांमधील आघाडीची अभिनेत्री आहे. साऊथमध्ये तिने अनेक सुपरहिट चित्रपट दिले आहेत. लवकरच ती अमिताभ बच्चन आणि नीना गुप्ता यांच्याबरोबर गूडबाय चित्रपटातून बॉलिवूडमध्ये डेब्यू करणार आहे. 'पुष्पा' चित्रपटात गरीब मुलीची भूमिका साकारणारी रश्मिका खऱ्या आयुष्यात राजकन्येसारखं आयुष्य जगते. ती करोडो रुपयांची मालकीण आहे. मीडिया रिपोर्ट्सनुसार, रश्मिकाची एकूण संपत्ती ४५ कोटींहून अधिक आहे. यासोबतच ती दर महिन्याला ४० लाख रुपयांपर्यंत कमावते. अभिनय, परफॉर्मन्स, मॉडेलिंग आणि जाहिराती यातून ती एका वर्षात पाच कोटींहून अधिक कमावते. याशिवाय ती चित्रपटांमध्ये काम करण्यासाठी भरमसाठ फी घेते. मिळालेल्या माहितीनुसार, अभिनेत्री एका चित्रपटासाठी चार कोटी रुपये घेते. रश्मिका आलिशान घरात राहते. तिची अनेक शहरात महागडी घरे आहेत. कर्नाटकात ती आपल्या कुटुंबासोबत एका आलिशान घरात राहते, या घराची किंमत सुमारे आठ कोटी आहे. याशिवाय हैदराबाद आणि मुंबईत तिची सर्व सोयींयुक्त घरे आहेत. रश्मिकाला महागड्या गाड्यांचीही आवड आहे. तिच्याकडे अनेक आलिशान गाड्या आहेत. तिच्याकडे एक कोटीची मर्सिडीज सी क्लास, ६० लाख रुपयांची ऑडी क्यू ३ आणि रेंज रोव्हर सारख्या आलिशान कार आहेत. याशिवाय रश्मिका महागड्या हँडबॅग कॅरी करण्यासाठीही प्रसिद्ध आहे. तिच्या एका बॅगेची किंमत सुमारे तीन लाख रुपये आहे.