कुठे दिग्दर्शकाला मारहाण तर कुठे झाली तोडफोड; ‘या’ चित्रपटांच्या कथेवरुन झालं होतं घमासान युद्ध

‘द केरळ स्टोरी’ हा चित्रपट प्रदर्शनापूर्वीच वादाच्या भोवऱ्यात सापडला आहे. केरळमधील तब्बल ३२००० महिलांनी इस्लाम धर्म स्वीकारला असून, त्यांना दहशतवादी संघटनेमध्ये भरती केल्याचे या चित्रपटाच्या ट्रेलरमध्ये दाखवण्यात आले. काँग्रेससह मार्क्सवादी कम्युनिस्ट पक्षाची युवा शाखा DYFI आणि इंडियन युनियन मुस्लीम लीग (IUML)च्या युथ लीगने या चित्रपटाच्या प्रदर्शनावर बंदी घालण्याची मागणी केली आहे. 'द काश्मीर फाइल्स'ची कथा विवेक अग्निहोत्री यांनी लिहिली असून दिग्दर्शनही त्यांनीच केले आहे. चित्रपटाची कथा काश्मिरी पंडितांच्या हत्याकांडावर आधारित आहे. मु स्लिम समाजाने चित्रपटाच्या प्रदर्शनावर बंदी घालण्याची मागणी केली होती. 'पठाण' चित्रपटातील 'बेशरम रंग' गाणे वादात सापडले होते. गाण्यातील शाहरुख खानचा हिरवा शर्ट आणि दीपिका पदुकोणच्या भगव्या बिकिनीचा रंग वादग्रस्त असल्याचे बोलले जात होते. अनेक राजकीय पक्षांनी याला लोकांच्या धार्मिक भावना दुखावणारे म्हटले आणि त्यात बदल करण्याची मागणी केली. 'पद्मावत'चा संपूर्ण वाद हा राणी पद्मावती आणि अलाउद्दीन खिलजीच्या घटनांबाबत होता. राजस्थानच्या करणी सेनेसह काही संघटनांनी आरोप केला होता की संजय लीला भन्साळी यांनी चित्रपटात अलाउद्दीन खिलजी आणि राणी पद्मावती यांचे प्रेमप्रकरण दाखवून राजपूत समाजाचा अपमान केला आहे. चित्रपटाच्या शूटिंगदरम्यान करणी सेनेने भन्साळींवर हल्लाही केला होता. ट्रेलर बाहेर येताच करणी सेनेने ठिकठिकाणी त्याचा निषेध करत तोडफोड केली. 'पीके' चित्रपटात आमिर खानच्या न्यूड सीनवरून गदारोळ झाला होता. आमिर खानच्या 'न्यूड' पोस्टरमुळे हिंदू आणि मुस्लिम धर्मगुरू संतापले होते. चित्रपटात आमिर खानबरोबर अनुष्का शर्मा मुख्य भूमिकेत होती 2013 साली केदारनाथच्या आपत्तीवर बनलेल्या 'केदारनाथ' चित्रपटाला रिलीजपूर्वी अनेक वादांना सामोरे जावे लागले होते. 'केदारनाथ' चित्रपटाच्या निर्माता-दिग्दर्शकामधील वादापासून ते लव्ह जिहादपर्यंत या चित्रपटाला अनेक वादांना सामोरे जावे लागले. या चित्रपटात सुशांत सिंग राजपूत आणि सारा अली खानने मुख्य भूमिका साकारली होती. 'सेक्रेड गेम्स' या वेबसिरीजमध्ये माजी पंतप्रधान राजीव गांधी यांच्यावर आक्षेपार्ह शब्द वापरल्याचा आरोप करण्यात आला होता. त्यावरून काँग्रेस पक्षाच्या सर्व नेत्यांनी गदारोळ केला होता. या वेब सीरिजच्या एका दृश्यात नवाजुद्दीन सिद्दीकी माजी पंतप्रधान राजीव गांधी यांना शिवीगाळ करताना दिसल्याचे तक्रारीत म्हटले आहे. ड्रग्जच्या मुद्द्यावर बनलेल्या 'उडता पंजाब' या चित्रपटाला पहिला आक्षेप त्याच्या नावावर होता, त्यात पंजाब हा शब्द जोडण्यात आला होता. या चित्रपटामुळे पंजाबची प्रतिमा खराब होऊ शकते, असे सांगत सेन्सॉर बोर्डाने चित्रपटाच्या प्रदर्शनावर बंदी घातली होती. चित्रपटातून पंजाब, राजकारण आणि निवडणुका काढून टाकण्यास सांगण्यात आले होते. या चित्रपटावरून पंजाबमध्ये बरेच राजकारण झाले होते. 'तांडव' वेब सिरीज रिलीज होण्यापूर्वीच वादात सापडली होती. या मालिकेवर हिंदू देवी-देवतांचा अपमान तसेच जातीयवादी टिप्पणी केल्याचा आरोप करण्यात आला होता. दुसरीकडे भाजपच्या एका आमदाराने अॅमेझॉन प्राइमविरोधात नाराजी व्यक्त करत 'जूता मारो अभियान' सुरू केले होते. 'लिपस्टिक अंडर माय बुरखा' या चित्रपटाने वादांमुळे बरेच लक्ष वेधले होते. सेन्सॉर बोर्डाने चित्रपटाला सर्टिफिकेट देण्यास नकार दिला कारण त्यात अनेक सेक्शुअल अॅक्ट सीन्स आहेत. यासोबतच चित्रपटात मोठ्या प्रमाणात शिवीगाळही करण्यात आली आहे. प्रकाश झा यांच्या 'आश्रम' या वेबसिरीजचा तिसरा सीझन वादाच्या भोवऱ्यात सापडाला होता. यामध्ये हिंदू धर्माचे चुकीचे चित्रण करण्यात आले आहे, करणी सेना आणि बजरंग दलाने म्हटले आहे. असा आरोप यानंतर संतप्त लोकांनी भोपाळमध्ये सेटची तोडफोड केली आणि प्रकाश झा यांच्यावर शाईही फेकली.