परिणीतीच्या साखरपुड्यात वडील झाले होते भावुक; भावाने शेअर केलेला ‘तो’ फोटो चर्चेत

बॉलीवूड अभिनेत्री परिणीती चोप्रा आणि आम आदमी पार्टीचे खासदार राघव चड्ढा यांचा १३ मे रोजी दिल्लीत साखरपुडा संपन्न झाला. परिणीतीने साखरपुड्याचे अनेक फोटो आपल्या सोशल मीडियावर शेअर केले आहेत. परिणीतीने साखरपुड्याचे परिणीतीच्या साखरपुड्यातील काही Unseen फोटो तिचा भाऊ शिवांग चोप्राने इन्स्टाग्रामवर शेअर केले आहेत. शिवांग चोप्राने परिणीतीची सासू आणि राघव चड्ढांच्या आईबरोबर खास फोटो पोस्ट केला आहे. काही फोटोंमध्ये दोघेही प्रार्थना करताना आणि थोर मोठ्यांचे आशीर्वाद घेताना पाहायला मिळत आहेत. परिणीतीच्या साखरपुड्यातील शिवांगने शेअर केलेले फोटो सोशल मीडियावर प्रचंड व्हायरल होत आहेत. शिवांगने शेअर केलेल्या एका फोटोने नेटकऱ्यांचे लक्ष वेधून घेतले आहे. यामध्ये परिणीती आणि शिवांग दोघे भाऊ-बहीण वडिलांचे अश्रू पुसताना दिसत आहेत. परिणीतीचा भाऊ शिवांग आणि तिची आई एका फोटोमध्ये आनंद व्यक्त करीत नाचताना दिसत आहेत. या फोटोंवर कमेंट करीत परिणीतीला अनेकांनी शुभेच्छा दिल्या आहेत. तर काहीजण हे फोटो पाहून भावूक झाले आहेत.