तुर्कीमध्ये साडी नेसून अभिनेत्री सोनाली कुलकर्णीने केले हटके फोटोशूट; नेटकरी म्हणाले, “तिकडची पोरं बिघडली…”

सोनाली कुलकर्णी तिचा नवरा कुणाल बेनोडेबरोबर सध्या तुर्कीमधील विविध जागांना भेट देत आहे. अभिनेत्रीने नुकताच तिचा वाढदिवस तुर्कीमध्ये साजरा केला. वाढदिवसानिमित्त सोनाली तुर्कीला गेल्याने तेथील सुंदर जागांचे फोटो अभिनेत्रीने सोशल मीडियावर शेअर केले आहेत. तुर्कीमध्ये गेल्यावर सोनालीने चक्क साडी नेसून फोटो शूट केले आहे. तुर्कीमधील बलून्स कॅपाडोसिया या प्रसिद्ध जागी सोनालीने नवऱ्यासह भेट दिली. सोनालीच्या या फोटोवर नेटकरी आणि चाहत्यांकडून लाइक्स आणि कमेंट्सचा वर्षाव करण्यात आला आहे. मराठमोळ्या अप्सरेने तुर्कीमध्ये जाऊन साडी नेसल्याने नेटकऱ्यांनी भन्नाट प्रतिक्रिया दिल्या आहेत. "तिकडची पोरं बिघडली असतील साडीतली अप्सरा बघून...", "खूप सुंदर सोनाली ताई..." अशा कमेंट्स करीत नेटकऱ्यांनी सोनालीचे कौतुक केले आहे. सोनालीच्या फोटोवर कमेंट करीत अनेकांनी तिला "दोन हजारांच्या नोटा तिकडून येताना संपवून ये..." असा मजेशीर सल्ला दिला आहे. साडी नेसून केलेल्या फोटो शूटला सोनालीने सुंदर कॅप्शन दिले आहे. बलून्स कॅपाडोसिया हे तुर्कीतील प्रसिद्ध ठिकाण असून अनेकजण याठिकाणी बलून राईडचा आनंद घेत फोटोशूट करतात. अभिनेत्री लवकरच 'मोगलमर्दिनी महाराणी ताराराणी' या चित्रपटातून प्रेक्षकांच्या भेटीला येईल.