‘महाराष्ट्राची हास्यजत्रा’ फेम दत्तू मोरेने पत्नीसह केले रोमँटिक फोटोशूट, चाहते म्हणाले…

‘महाराष्ट्राची हास्यजत्रा’ या कार्यक्रमातील सर्वच कलाकारांना प्रेक्षकांनी भरभरुन प्रेम दिलं. ‘महाराष्ट्राची हास्यजत्रा’मधील प्रसिद्ध कलाकारांपैकी एक कलाकार म्हणजे दत्तू मोरे. दत्तूने आजवर या कार्यक्रमात विविध भूमिका साकारत प्रेक्षकांना खळखळून हसवलं. काही महिन्यांपूर्वी दत्तू मोरे हा विवाहबंधनात अडकला. दत्तूने मंगळवारी २३ मे २०२३ रोजी कोर्ट मॅरेज करत लग्नगाठ बांधली. दत्तूने त्याच्या लग्नाबाबत कुठेही भाष्य केलं नव्हतं. त्यामुळे त्याच्या लग्नाची बातमी आल्यानंतर चाहत्यांना सुखद धक्का बसला. दत्तूने गुपचूप लग्न करत नव्या आयुष्याला सुरुवात केली. आता नुकतंच दत्तूने त्याच्या प्री-वेडिंगचे काही खास फोटो शेअर केले आहेत. यातील काही फोटोत दत्तू आणि त्याची पत्नी स्वातीने काळ्या रंगाचा वेस्टर्न आऊटफिट परिधान केला आहे. तर काही फोटोत ते दोघेही पांढऱ्या रंगाच्या आऊटफिटमध्ये दिसत आहेत. यावेळी दत्तूने रोमँटिक पोझही दिल्याचे पाहायला मिळत आहे. त्यांच्या या फोटोवर अनेक चाहत्यांनी कमेंट केल्या आहेत. 'मेड फॉर इच अदर', 'खूप छान', 'तुम्हा दोघांना शुभेच्छा', अशा अनेक कमेंट दत्तू मोरेच्या पोस्टवर पाहायला मिळत आहे. तर काहींनी हार्ट इमोजी शेअर करत भावना व्यक्त केल्या आहेत. दरम्यान दत्तूच्या पत्नीचं नाव स्वाती घुनागे असं आहे. स्वाती ही व्यवसायाने डॉक्टर आहे. ती स्त्रीरोग तज्ञ असून तिचं पुण्यात स्वत:चं क्लनिक आहे. स्वाती अनेक सामाजिक कार्यात सक्रीय असते.