PHOTOS: कुणाचं ‘हेमंत’ तर कुणाचं ‘प्रीतम’; ‘या’ प्रसिद्ध बॉलिवूड कलाकारांची खरी नावं माहितीय का?

अनेक वर्षांपासून बॉलिवूडमधील बऱ्याच कलाकारांनी प्रेक्षकांच्या मनावर राज्य केले आहे. मात्र तुम्हाला माहीत आहे का, की त्यातील अनेक कलाकारांनी चित्रपटसृष्टीत येण्याआधी आपले खरे नाव बदलले आहे. चित्रपट सृष्टीत असे अनेक कलाकार आहेत, ज्यांनी चित्रपटात येण्यापूर्वी आपले खरे नाव बदलले. आज आपण अशाच काही लोकप्रिय कलाकार आणि त्यांची खरी नावे जाणून घेऊया. बॉलिवूडचा खिलाडी अक्षय कुमारचे खरे नाव राजीव हरिओम भाटिया असे आहे. प्रसिद्ध रपर आणि गायक बादशाहचे खरे नाव आदित्य प्रतीक सिंह सिसोदिया असे आहे. बॉलिवूडची लोकप्रिय अभिनेत्री कतरिना कैफचे खरे नाव कतरिना टरकॉटा असे आहे. 'शेरशाह', 'कबीर सिंग' या चित्रपटातून लोकप्रियतेचे शिखर गाठलेल्या कियारा अडवाणीचे खरे नाव आलिया अडवाणी असे आहे. लोकप्रिय अभिनेत्री प्रीती झिंटाचाही या यादीत समावेश आहे. प्रीती झिंटाचे खरे नाव प्रीतम सिंह झिंटा असे आहे. बॉलिवूडच्या फिट अभिनेत्रींपैकी एक असलेल्या शिल्पा शेट्टीचे खरे नाव अश्विनी शेट्टी असे आहे. बॉलिवूडच्या अनेक हिट चित्रपटांमध्ये उत्कृष्ट कामगिरी केलेल्या तब्बूचे खरे नाव तबस्सुम फातिमा हाशमी असे आहे. बॉलिवूडचा हँडसम हंक टायगर श्रॉफचे खरे नाव जय हेमंत श्रॉफ असे आहे. येथे देण्यात आलेली माहिती मीडिया रिपोर्ट्सवर आधारित आहे. (Photos : Instagram)