Photos: ‘धर्मवीर २’ची अधिकृत घोषणा; मंगेश देसाई आणि प्रवीण तरडे यांनी घेतले जेजुरीच्या खंडोबाचे दर्शन

1/16

स्वर्गीय आनंद दिघे यांचा जीवनप्रवास ‘धर्मवीर… मुक्काम पोस्ट ठाणे’ या चित्रपटातून मांडण्यात आला होता.

2/16

या चित्रपटाला प्रेक्षकांनी डोक्यावर घेतल्यामुळे चित्रपट बॉक्स ऑफिसवरही तुफान यशस्वी ठरला.

3/16

‘धर्मवीर’च्या या दिमाखदार यशानंतर जेजुरी येथील खंडोबाचे दर्शन घेऊन ‘धर्मवीर २’ची घोषणा निर्माते मंगेश देसाई यांनी केली.

4/16

‘धर्मवीर’ चित्रपटाच्या यशानंतर ‘धर्मवीर २’ची चर्चा सुरू झाली होती.

5/16

अखेर ही चर्चा केवळ चर्चा न राहता आता प्रत्यक्षात उतरण्यास सज्ज झाली आहे.

6/16

साहील मोशन आर्ट्स या निर्मिती संस्थेद्वारे मंगेश देसाई या चित्रपटाची निर्मिती करत आहेत.

7/16

मंगेश देसाई यांनी ‘धर्मवीर’ चित्रपटीचीही निर्मिती केली होती.

8/16

‘धर्मवीर’ चित्रपटाच्या यशात उत्तम स्टारकास्टसह लेखन, दिग्दर्शनही महत्त्वाचं ठरलं होतं.

9/16

अनेक पुरस्कारही या चित्रपटला मिळाले होते.

10/16

प्रवीण तरडे ‘धर्मवीर २’चे लेखन, दिग्दर्शन करणार असल्यानं हा चित्रपटही दमदार होईल यात शंका नाही.

11/16

पोस्टरवर भगव्या बॅकग्राऊंडवर ‘धर्मवीर २’ साहेबांच्या हिंदुत्त्वाची गोष्ट… अशी टॅगलाईन नमूद करण्यात आली आहे.

12/16

त्यामुळे हा चित्रपट धडाकेबाज पद्धतीने आणि रंजक कथानकाद्वारे हिंदुत्त्वावर भाष्य करणारा असल्याचा प्राथमिक अंदाज बांधता येत आहे.

13/16

चित्रपटात कलाकार कोण असणार हे अद्याप जाहीर करण्यात आलेले नाही.

14/16

मात्र ‘धर्मवीर २’च्या घोषणेमुळे चित्रपटाविषयी प्रचंड उत्सुकता निर्माण झाली आहे.

15/16

(सर्व फोटो सौजन्य : मंगेश देसाई / इन्स्टाग्राम)

16/16

(हेही पाहा : बहुचर्चित ‘सुभेदार’ चित्रपटात ‘हे’ कलाकार साकारणार महत्वाची भूमिका)