Photos: ‘बिगबॉस ओटीटी २’ विजेता एल्विश यादवबद्दल ‘या’ गोष्टी माहितीय का?

एल्विश यादव ठरला बिगबॉसचा पहिला वाइल्ड कार्ड विजेता! अभिषेक आणि एल्विश यांपैकी कोण जिंकणार? याबद्दल प्रेक्षकांच्या मनात उत्सुकता होती. अखेर या अटीतटीच्या लढाईत एल्विश यादवने बाजी मारली. ८ आठवड्यांच्या खेळात एल्विशने चौथ्या आठवड्यात वाइल्ड कार्ड एन्ट्री घेतली होती. बिग बॉसच्या इतिहासात वाइल्ड कार्ड एन्ट्री म्हणून आलेला कुठलाही स्पर्धक विजेत ठरलेला नाही. यंदा पहिल्यांदाच वाइल्ड स्पर्धक जिंकल्याने ‘बिग बॉस ओटीटी’चे हे पर्व ऐतिहासिक ठरले. एल्विशचे खरे नाव सिद्धार्थ यादव असे आहे. एल्विश यूट्यूब कंटेंट क्रिएटर आणि सोशल मीडिया इन्फ्लुएन्सर आहे. तो सोशल मीडियावर विनोदी व्हिडीओ बनवतो आणि मजेशीर पद्धतीने इतरांची खिल्ली उडवतो. त्याच्या यूट्यूब चॅनेलवर १६ मिलियन फॉलोवर आहेत. तसेच, एल्विश एक संगीतकार आहे. त्याने राव साहेब, सिस्टम, अपना गाव अशी अनेक गाणी तयार केली आहेत. एल्विशने २०१९ साली झालेल्या सोशल मीडिया समिटमध्ये 'सर्वोत्तम मनोरंजनकर्ता' हा पुरस्कार जिंकला आहे.