Photos: प्रसिद्ध मालिकेमध्येही मंगळागौरीचा थाट, अशी साजरी झाली ‘काव्या’ची मंगळागौर

काही महिन्यांपूर्वी कलर्स मराठीवर 'काव्यांजली - सखी सावली' ही नवी कोरी मालिका प्रेक्षकांच्या भेटीला आली आहे. 'काव्यांजली' मालिकेत एकमेकींवर प्रेम करणाऱ्या दोन जिवाभावाच्या बहिणींची गोष्ट आहे. अभिनेत्री कश्मीरा कुलकर्णी 'काव्या प्रभुदेसाई'ची भूमिका साकारत आहे. 'अंजली दिवेकर'ची भूमिका अभिनेत्री प्राप्ती रेडकर साकारत आहे. मालिकेत या दोघी चुलत बहिणी असल्या तरीदेखील त्यांचं नातं आई-मुलीसारखं आहे. 'अंजली'चा जन्म झाल्यापासून ती 'काव्या'ची मानसकन्या झाली. 'काव्या'चं लग्न झाल्यावर 'अंजली'ने घराची जबाबदारी उचलली आहे. नुकतीच या मालिकेत 'काव्या'ची मंगळागौर साजरी करण्यात आली. 'काव्या'च्या मंगळागौरसाठी सर्वजणी सजल्या आहेत. श्रावण हा धार्मिक व्रत-वैकल्यांचा पवित्र महिना. मंगळागौरीसाठी 'काव्या'ने हिरव्या रंगाची नऊवारी साडी नेसली आहे. श्रावण म्हटला, की हिरव्यागार रंगाने नटलेला निसर्ग आणि ऊनपावसाचा खेळ! या उत्साहाच्या वातावरणात मंगळागौरीचे खेळ वेगळाच रंग भरतात. 'अंजली'ने मंगळागौरीसाठी पिवळ्या रंगाची नऊवारी साडी नेसली आहे. मंगळागौर या व्रताची परंपरा महाराष्ट्रासह भारताच्या अनेक भागांत आढळते. 'काव्या' आणि 'अंजली'ने नऊवारी साडीवर मोत्यांच्या दागिन्यांचा साज केला आहे. (सर्व फोटो सौजन्य : कश्मीरा कुलकर्णी आणि प्राप्ती रेडकर / इन्स्टाग्राम) (हेही पाहा : 'आई कुठे काय करते' मालिकेतील 'ईशा'च्या मेहेंदी सोहळ्यातील खास फोटो)