आलिशान घर, BMW सारख्या महागड्या गाड्या अन्…; भाड्याच्या घरात राहणारा आयुष्यमान खुराना आहे कोट्यवधीचा मालक

अभिनेता आयुष्यमान खुराना सध्या चांगलाच चर्चेत आहे. नुकताच त्याचा ‘ड्रीम गर्ल २’ प्रदर्शित झाला. अभिनयाच्या जोरावर आयुष्यमानने बॉलीवूडमध्ये वेगळ स्थान निर्माण केलं आहे. अभिनयासाठी आयुष्यमानला फिल्म फेअरबरोबरच अनेक पुरस्कारही मिळाले आहेत. संपत्तीच्या बाबतीत बोलायचं झालं तर आयुष्यमानची एकूण संपत्ती ८० कोटी रुपये असल्याचे सांगण्यात येते. आयुष्यमान एका चित्रपटासाठी करोडो रुपयांची फी घेतो. ‘ड्रीम गर्ल १’ साठी आयुष्यमानने २५ कोटी रुपये मानधन घतले होते. मात्र, करोना काळात त्याने आपल्या फीमध्ये घट केली असून ‘ड्रीम गर्ल २’ साठी त्याने १५ कोटी रुपये आकारले आहेत. आयुष्यमानच्या कमाईचे मुख्य़ स्त्रोत अभिनय असला तरी तो एक चांगला गायकही आहे. अभिनय आणि गायनासोबतच तो टीव्ही होस्टिंग, जाहिराती आणि ब्रँड एंडोर्समेंटमधूनही चांगली कमाई करतो. आयुष्यमान मुंबईत अंधेरीत एका आलिशान घरात भाड्याने राहतो. ७ बेडरूमच्या घरासाठी तो ५.२५ लाख रुपये मासिक भाडे देतो. मुंबईसह चंदीगढमध्ये आयुष्यमानच्या नवाावर अनेक जागा आहेत. आयुष्मानला रॉयल आणि लक्झरी वाहनांचीही खूप आवड आहे. त्याच्या कार कलेक्शनमध्ये ऑडी ए६, बीएमडब्ल्यू ५ सीरीज कार, मर्सिडीज बेंझ-एस क्लास यासह अनेक वाहने आहेत.