१०० कोटींची संपत्ती, क्रिकेट टीमचा मालक अन्… अंकिता लोखंडेचा पती विकी जैन नेमकं करतो काय?

अंकिता लोखंडे आणि तिचा पती विकी जैनने बिग बॉस १७ मध्ये सहभाग घेतला आहे. अंकिताप्रमाणे विकीही नेहमी चर्चेत असतो. सोशल मीडियावर विकी फोटो आणि व्हि़डीओ पोस्ट करत असतो. अंकिताप्रमाणे विकीचाही वेगळा चाहता वर्ग आहे. पण विकी जैन नेमकं करतो काय तुम्हाला माहिती आहे का? एमबीएच शिक्षण घेतलेला विकी उद्योगपती आहे. ईटाईम्सने दिलेल्या बातमीनुसार, महावीर इंस्पायर ग्रुपचा तो मॅनेजिंग डायरेक्टर आहे. याशिवाय विकीचा कोळसा व्यापार, वॉशरी ऑपरेशन, लॉजिस्टिक, वीज, हिरे आणि रिअल इस्टेटसह अनेक व्यवसाय आहेत. विकी हा बॉक्स क्रिकेट लीग टीम मुंबई टायगर्सचा सह-मालक आहे. मिळालेल्या माहितीनुसार विकीची एकूण संपत्ती १०० कोटी रुपये आहे. १४ डिसेंबर २०२१ ला विकी आणि अंकिताने लग्नगाठ बांधली. दोघांचे लग्नाचे फोटो सोशल मीडियावर व्हायरल झाले होते. लग्नाअगोदर दोघांनी काही वर्ष एकमेकांना डेटही केलं होतं. लग्नानंतर दोघांनी मुंबईत ग्रॅंड रिसेप्शनही दिलं होतं. फोटो विकी जैन इन्स्टाग्राम