हॉट लाल ड्रेसमध्ये क्रीती सेनॉनचा मनमोहक लूक चर्चेत; कॉमेंट सेक्शनमध्ये चाहत्यांनी केला कौतुकाचा वर्षाव

‘मिमी’ चित्रपटातून चर्चेत आलेली अभिनेत्री म्हणजे क्रिती सेनॉन. अभिनयाच्या बरोबरीने तिच्या लुक्सची देखील चर्चा होत असते. क्रीती सेनॉन सोशल मीडियावर चांगलीच सक्रिय असते. तसेच ती फॅशनच्याबाबतीत वेगवेगळे प्रयोग करत असते. क्रितीने नुकतेच लाल ड्रेसमध्ये फोटोशूट केले आहे. या एका आगळ्या वेगळ्या आणि ग्लॅमरस ड्रेसमधले काही फोटोज तिने शेअर केले आहेत. क्रिती सेनॉन फिटनेसकडे कायम लक्ष देताना दिसते. अनेकदा ती तिचे वर्कआऊटचे व्हिडीओ सोशल मीडियावर शेअर करत असते. क्रीती नुकतीच टायगर श्रॉफबरोबर 'गणपत' या चित्रपटात झळकली, तेव्हापासूनच ती चर्चेत आहे. या लाल ड्रेसमधील क्रीतीचा बोल्ड आणि ग्लॅमरस अंदाज तिच्या चाहत्यांना चांगलाच आवडला आहे. नुकताच क्रीतीला 'मिमी' या चित्रपटासाठी उत्कृष्ट अभिनेत्रीचा राष्ट्रीय पुरस्कारही मिळाला. चित्रपटात काम करण्याआधी तिने अनेक जाहिरातींमध्ये काम केले आहे. लवकरच क्रीती शाहिद कपूरबरोबरच्या रॉम-कॉम चित्रपटात दिसणार आहे. (फोटो सौजन्य : क्रीती सेनॉन / इंस्टाग्राम पेज)