मिताली मयेकरच्या बोल्ड अंदाज! बालीमधील Unseen Photos झाले व्हायरल

अभिनेत्री मिताली मयेकर सोशल मीडियावर प्रचंड सक्रिय असते. मिताली अनेकदा सोशल मीडियावर हटके फोटो शेअर करत असते. या फोटोंमुळे ती नेहमीच चर्चेत राहते. मिताली आपल्या बेधडक वक्तव्य आणि बोल्ड-बिनधास्त जीवनशैलीसाठी विशेष ओळखली जाते. काही दिवसांपूर्वी मितालीने पती सिद्धार्थला पॅरिसमध्ये लिपकिस करतानाचा फोटो शेअर केला होता. त्यावेळेस सर्वांच्याच भुवया उंचावल्या होत्या. तसेच, एकदा तिने बिकनीमधील फोटो पोस्ट केले आणि कॅप्शनमध्ये संस्कृतीचे धडे देणाऱ्या नेटकऱ्यांना चांगलंच सुनावलं होतं. सध्या तिने बाली ट्रीपमधील काही फोटो शेअर केले आहेत आणि कॅप्शनमध्ये म्हटलंय, "मानसिकदृष्ट्या मी इथे आहे." दरम्यान, मितालीचे हे फोटोही सोशल मीडियावर चर्चेत आहेत. मितालीने अबोली रंगाचा क्रॉप टॉप आणि आकाशी रंगाची डेनिम शॉर्ट्स घातली आहे. या फोटोंवर चाहत्यांनी लाइक्स आणि कमेंट्सचा वर्षाव केला आहे. (सर्व फोटो : मिताली मयेकर/इन्स्टाग्राम)