Photos: ऐश्वर्या नारकर आणि अविनाश नारकर यांनी ‘असा’ साजरा केला लग्नाचा २८ वा वाढदिवस

मराठी चित्रपटसृष्टीतील लोकप्रिय जोडी ऐश्वर्या नारकर आणि अविनाश नारकर यांच्या लग्नाला नुकतीच २८ वर्षे पूर्ण झाली. ३ डिसेंबर १९९५ साली ऐश्वर्या नारकर आणि अविनाश नारकर यांनी लग्नगाठ बांधली. त्यानिमित्त ऐश्वर्या नारकर यांनी सोशल मीडियावर काही फोटो शेअर केले आहेत. '28Yrs Of Togetherness' असे कॅप्शन ऐश्वर्या नारकर यांनी या फोटोंना दिले आहे. या फोटोंमध्ये ऐश्वर्या यांनी पांढऱ्या रंगाचा ड्रेस परिधान केला आहे. २८ व्या वाढदिवासानिमित्त खास पेस्ट्री केक आणले होते. ऐश्वर्या नारकर आणि अविनाश नारकर यांनी मराठी नाटक, मालिका आणि चित्रपटांमध्ये काम केले आहे. अभिनयाबरोबरच ऐश्वर्या आणि अविनाश त्यांच्या इन्स्टाग्राम रिल्समुळे चर्चेत असतात. ऐश्वर्या नारकर आणि अविनाश नारकर यांना अमेय नावाचा मुलगा आहे. अमेय लवकरच एका व्यावसायिक नाटकाच्या दिग्दर्शनाची धुरा सांभाळणार आहे. (सर्व फोटो सौजन्य : ऐश्वर्या नारकर आणि अविनाश नारकर/इन्स्टाग्राम) (हेही पाहा : 'खुलं आभाळ ढगाळ...'; प्राजक्ता माळीचा गुलाबी पैठणी साडीतील सुंदर लूक चर्चेत)