सव्वा कोटींचे घड्याळ, लाखोंचा ड्रेस अन्…, कियारा अडवाणीने या लूकसाठी खर्च केले ‘इतके’ रुपये

अलीकडेच कियारा अडवाणीने करण जोहरच्या 'कॉफी विथ करण ८' या चॅट शोमध्ये हजेरी लावली. या शोमध्ये तिच्यासोबत विकी कौशलदेखील होता. शोमध्ये अभिनेत्री अप्रतिम दिसत होती. पण तुम्हाला माहित आहे का की या लूकसाठी अभिनेत्रीने कोट्यावधी रुपये खर्च केले आहेत. दरम्यान, अभिनेत्री ऑस्ट्रेलियन फॅशन डिझायनर अॅलेक्स पेरीने तयार केलेल्या हार्ट-नेक ब्लॅक मिडी ड्रेसमध्ये दिसली. मीडिया रिपोर्ट्सनुसार, या ड्रेसची किंमत १.१६ लाख रुपये आहे. ड्रेससोबतच अभिनेत्रीने तिच्या मनगटावर स्टायलिश बल्गेरी घड्याळ घातले होते. द वॉच पेजेस वेबसाइटनुसार या घड्याळाची किंमत १.२२ कोटी रुपये आहे. कियाराने काळ्या रंगाच्या ड्रेससोबत लाल लेदर हील्स घातल्या होत्या.क्रिश्चियन लुबाउटिन वेबसाइटनुसार या हिल्सची किंमत ७५ हजार रुपये आहे. कियाराच्या या लूकपेक्षा तिने केलेल्या खर्चाची सध्या चांगलीच चर्चा होत आहे. (सर्व फोटो - कियारा अडवाणी इन्स्टाग्राम)