Photo: ‘महाराष्ट्राची हास्यजत्रा’ फेम गौरव मोरेचं पहिलं मानधन माहितेय का? जाणून घ्या…

‘महाराष्ट्राची हास्यजत्रा’ या कार्यक्रमातून घराघरात पोहोचलेला लोकप्रिय चेहरा म्हणजे गौरव मोरे. ‘आय एम ए गौरव मोरे फ्रॉम पवई फिल्टरपाडा’ हा गौरवचा डायलॉग संपूर्ण महाराष्ट्रात प्रसिद्ध झाला आहे. सध्या गौरव ‘महाराष्ट्राची हास्यजत्रा’व्यतिरिक्त विविध मराठीसह, हिंदी चित्रपटात झळकत आहे. अलीकडेच प्रदर्शित झालेल्या ‘बॉईज ४’, ‘अंकुश’, ‘लंडन मिसळ’ या चित्रपटांमध्ये तो झळकला. लवकरच त्याचे आगामी चित्रपट देखील प्रदर्शित होणार आहेत. नुकताच गौरव अभिनेत्री भार्गवी चिरमुलेच्या ‘गप्पा मस्ती पॉडकास्ट’मध्ये सहभागी झाला होता. यावेळी त्याने आतापर्यंतचा प्रवास आणि बरेच खुलासे केले. तसेच या मुलाखतीमध्ये गौरवबरोबर विविध खेळ खेळण्यात आले. यावेळी गौरवकडून गुगलवर त्यांच्यासंदर्भात सर्वाधिक सर्च केल्या जाणाऱ्या प्रश्नांची उत्तर जाणून घेतली गेली. या खेळादरम्यान गौरवने त्याला मिळालेल्या पहिल्या मानधनाचा खुलासा केला. गौरवला पहिलं मानधन हे दिवसाला १५० रुपये होतं. तो म्हणाला की, "एका नाटकाला मी बॅकस्टेज करायचो त्याचे मला दिवसाला १५० रुपये मिळायचे."