Photos: प्रसिद्ध अभिनेत्रीने IFS अधिकाऱ्याशी बांधली लग्नगाठ; शिव-पार्वतीचे लग्न झालेल्या प्राचीन मंदिरात घेतले सात फेरे

बॉलीवूड चित्रपट 'चल भाग'मधून आपल्या अभिनय कारकिर्दीला सुरुवात करणारी अभिनेत्री चित्रा शुक्ला हिने लग्नगाठ बांधली आहे. चित्राने भारतीय वन अधिकारी (IFS) वैभव उपाध्यायशी लग्न केले आहे. लग्नानंतर चित्रा आणि वैभवने त्यांच्या इन्स्टाग्राम अकाऊंटवर लग्नाचे काही फोटो शेअर केले आहेत. तिच्या लग्नात चित्राने लाल रंगाचा लेहेंगा घातला होता. यासह अभिनेत्रीने दागिने आणि ग्लॅम मेकअपने तिचा लूक पूर्ण केला. तर, वैभवने पांढऱ्या रंगाची बंद गळ्याची शेरवानी या खास दिवसासाठी निवडली. या फोटोंमध्ये चित्रा व वैभव खूप सुंदर दिसत आहेत. या जोडप्याने डेस्टिनेशन वेडिंग न करता निसर्गाच्या सानिध्यात मंदिरात लग्न करण्याचा निर्णय घेतला. दोघांनी कुटुंबीय आणि मित्रांच्या उपस्थितीत उत्तराखंडमधील त्रियुगीनारायण मंदिरात सात फेरे घेतले. त्रियुगीनारायण मंदिरात शतकानुशतके आग जळत आहे. माता पार्वती आणि भगवान शिव यांनी या अग्नीला साक्षी मानत विवाह केला होता, असं म्हणतात. शिव आणि पार्वतीच्या विवाहात भगवान विष्णू यांनी पार्वतीचे भाऊ म्हणून सर्व विधी केले होते. तर या विवाहात ब्रह्मदेव पुरोहित होते, असं म्हटलं जातं. चित्रा शुक्लाच्या वर्क फ्रंटबद्दल बोलायचं झाल्यास ती शेवटची तेलुगू चित्रपट 'हंट'मध्ये दिसली होती. लवकरच ती 'ना ना' या तमिळ चित्रपटात दिसणार आहे.(फोटो स्त्रोत: @chitrashuklaofficial/instagram)